ரச்சிதா பிறந்தநாளில் வெளியான ‛பயர்' முன்னோட்ட வீடியோ | மே 3ல் ரிலீஸாகும் ‛குரங்கு பெடல்' | அஜித்துக்காக உருவாக்கப்பட்ட டைட்டிலில் அருண் விஜய் | பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் |
கொரோனா தாக்கம் ஆரம்பித்த பிறகு ஒரு சில நடிகர்களுக்கு பட வாய்ப்புகள் குறைந்து போனது என்றால், இளம் நடிகர் காளிதாஸ் ஜெயராம் அந்த சமயத்தில் இருந்து தான் ஓரளவு பிக்கப் ஆகி நிறைய படங்களில் நடித்து வருகிறார்.. குறிப்பாக ஓடிடி தளத்தில் வெளியான பாவ கதைகள் என்கிற ஆந்தாலாஜி படத்தில் சுதா கொங்கரா இயக்கியிருந்த தங்கம் என்கிற குறும்படத்தில் பெண் தன்மை கொண்ட கதாபாத்திரத்தில் நடித்திருந்த காளிதாஸ் ஜெயராமின் நடிப்புக்கு நிறைய பாராட்டுகள் குவிந்தன.
இதையடுத்து தற்போது கமலின் விக்ரம், பா.ரஞ்சித்தின் நட்சத்திரம் நகர்கிறது, சந்தோஷ் சிவனின் ஜாக் அன்ட் ஜில் உள்ளிட்ட பல படங்களில் நடித்து வருகிறார் காளிதாஸ். அந்தவகையில் மலையாளம், தமிழ் என இருமொழிகளில் தயாராகி வரும் ‛ரஜினி' என்கிற படத்தில் நடித்துள்ளார் காளிதாஸ். தமிழில் இந்தப்படத்திற்கு ‛ரஜினி ரசிகன்' என டைட்டில் வைக்கப்பட்டுள்ளது. அதற்கேற்றபடி இந்தப்படத்தில் தீவிர ரஜினி ரசிகராக நடித்துள்ளார் காளிதாஸ். வினில் சகாரியா வர்கீஸ் என்பவர் இயக்கியுள்ள இதன் படப்பிடிப்பு நேற்றுடன் முடிவடைந்துள்ளது.