கோலாகலமாக நடந்து முடிந்த சுபிக்ஷா - அவினாஷ் திருமணம்

ஜீ தமிழில் ஒளிபரப்பான ரஜினி தொடரின் மூலம் சின்னத்திரை நேயர்களுக்கு பரிட்சயமானவர் சுபிக்ஷா. தொடர்ந்து பல தொடர்களில் நடித்து வரும் இவர் தற்போது வீரா தொடரில் முக்கிய கதாபாத்திரத்தில் நடித்து வருகிறார். இவருக்கும் டான்ஸ் மாஸ்டரான மானஸ் என்பவருக்கும் கடந்த 2020ம் ஆண்டு திருமணம் நடந்ததாகவும், சில நாட்களிலேயே இருவரும் கருத்து வேறுபாடு காரணமாக பிரிந்துவிட்டதாகவும் செய்திகள் வெளியானது. ஆனால், இதுகுறித்து இருவருமே எந்தவொரு விளக்கத்தையும் தரவில்லை. அதேசமயம் இருவரும் தங்கள் சோஷியல் மீடியாக்களில் ஒன்றாக பதிவிட்ட புகைப்படங்களை நீக்கிவிட்டனர். இந்நிலையில், கடந்த ஆகஸ்ட் 18ம் தேதியன்று அவினாஷ் என்பவருடன் சுபிக்ஷாவிற்கு கோலாகலமாக திருமணம் நடந்து முடிந்துள்ளது. அந்த புகைப்படங்கள் தற்போது இணையத்தில் பரவ ரசிகர்கள் உள்ளிட்ட பலரும் வாழ்த்துகள் தெரிவித்து வருகின்றனர்.