தந்தையின் இறப்பு குறித்து சங்கீதா உருக்கம்

அரண்மனைக்கிளி, திருமகள் ஆகிய தொடர்களின் மூலம் பிரபலமானார் நடிகை சங்கீதா வெங்கடேசன். சீரியல் மட்டுமில்லாமல் மாஸ்டர், சுல்தான், பாரீஸ் ஜெயராஜ் உள்ளிட்ட சில படங்களிலும் நடித்துள்ளார். நகைச்சுவை நடிகர் ரெட்டின் கிங்க்ஸிலியை திருமணம் செய்து கொண்ட சங்கீதா வெளிநாட்டு டூர், ஹனிமூன் என ஜாலியாக வலம் வருகிறார்.

அண்மையில் பேட்டி ஒன்றில் பேசிய அவர், "அப்பா இறந்த போது அவருக்கு நெஞ்சு வலி இருந்தது. நானும் அம்மாவும் வெளியில் கிளம்பும் போது தண்ணீர் பாட்டில் பேக் எடுத்து கொடுத்து டாடா காட்டி வழி அனுப்பி வைத்தார். நாங்கள் செல்லும் போது புது கார் பிரச்னை செய்தது. உடனே வீட்டிற்கு திரும்பி வேறு கார் எடுத்து சென்றோம். நாங்கள் வெளியே போகாமல் இருக்கக் கூட இப்படி ஆகிருக்கலாம். அதன்பிறகு தான் அப்பாவிற்கு வலி அதிகமாகியுள்ளது. நாங்கள் வீட்டிற்கு வருவதற்குள் எல்லாம் முடிந்துவிட்டது. என் திருமணத்திற்கு அப்பா இல்லாதது மிகவும் வருத்தமாக இருந்தது" என உருக்கமாக பேசியுள்ளார்.