வைரலாகும் ரோபா சங்கரின் வொர்க் அவுட் வீடியோ

சின்னத்திரையில் பிரபலமான ரோபோ சங்கர் தற்போது வெள்ளித்திரையில் காமெடி மற்றும் குணச்சித்ர வேடங்களில் நடித்து வருகிறார். சில மாதங்களுக்கு முன் உடல்நலக்குறைவால் திடீரென மிகவும் மெலிந்து காணப்பட்டார். இதனையடுத்து சமூக வலைத்தளங்களில் அவரது உடல்நிலை குறித்து பலவிதமான வதந்திகள் பரவியது. அந்த தகவல்கள் அனைத்தும் பொய்யென ரோபோ சங்கரின் மகளும், மனைவியும் இன்னும் சில பிரபலங்களும் விளக்கமளித்து வந்தனர். ஆனாலும், அவரை பற்றி சிலர் தவறான தகவல்களை பரப்பினர். இந்நிலையில், தற்போது பூரண உடல்நலம் பெற்று பழைய நிலைக்கு திரும்பியுள்ள ரோபோ சங்கர் ஜிம்மில் வெறித்தனமாக வொர்க்-அவுட் செய்கிறார். அந்த வீடியோவில் ரோபோ சங்கரின் பிட்னஸை பார்க்கும் ரசிகர்கள் அவரை பெருமையாக புகழ்ந்து வருகின்றனர்.