தோனியுடன் புகைப்படம் எடுத்த ரேவதி பாட்டி

எம்.ஜி.ஆர், சிவாஜி காலக்கட்டத்திலிருந்தே சினிமாவில் முக்கிய கதாபாத்திரத்தில் நடித்து வருகிறார் பழம்பெரும் நடிகை ரேவதி. தற்போது சின்னத்திரை சீரியல்களில் வயதான பாட்டி கதாபாத்திரத்தில் நடித்து வரும் ரேவதி, முன்னதாக மெளன ராகம் தொடரில் நடித்திருந்தார். மிக சமீபத்தில் விஜய் டிவியில் ஹிட் அடித்து வரும் சிறகடிக்க ஆசை தொடரிலும் முத்துவின் பாட்டியாக கலக்கி வருகிறார். கிரிக்கெட் ரசிகையான இவர் தற்போது சென்னை சூப்பர் கிங்ஸ் அணியின் கேப்டன் தோனியை சந்தித்து அவருடன் சேர்ந்து புகைப்படம் எடுத்துள்ளார். தோனியை சந்தித்த ரேவதி பாட்டியின் புகைப்படமானது தற்போது இணையத்தில் வைரலாகி வருகிறது.