![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M3 9.5 12 3l9 6.5V20a1 1 0 0 1-1 1h-5v-6h-6v6H4a1 1 0 0 1-1-1z"/></svg>){kind=small}
![](data:image/svg+xml;utf8,<svg xmlns="http://www.w3.org/2000/svg" viewBox="0 0 24 24" fill="none" stroke="%231a5a82" stroke-width="2" stroke-linecap="round" stroke-linejoin="round"><path d="M4 19.5A2.5 2.5 0 0 1 6.5 17H20"/><path d="M6.5 2H20v20H6.5A2.5 2.5 0 0 1 4 19.5v-15A2.5 2.5 0 0 1 6.5 2z"/><path d="M8 7h8M8 11h6"/></svg>){kind=small}
திருமணத்தின்போது உருவக்கேலி செய்தனர்: மஞ்சிமா
டிச 03, 2022
Advertisement
மலையாள நடிகை மஞ்சிமா மோகனும், தமிழ் நடிகர் கவுதம் கார்த்திக்கும் தேவராட்டம் என்ற படத்தில் இணைந்து நடித்தனர். அப்போது இருவருக்கும் காதல் ஏற்பட்டு தற்போது திருமணத்தில் முடிந்துள்ளது. மஞ்சிமா மோகன் பொதுவாக உயரம் குறைவாகவும், எடை கூடுதலாவும் கொண்ட உடலமைப்பு கொண்டவர். இதனால் அவர் நடிக்கத் தொடங்கிய காலத்தில் இருந்தே உருவக்கேலிக்கு ஆளாகி வருகிறார். இடையில் உடல் எடை குறைத்தும் சில படங்களில் நடித்தார். இடையில் சில காலம் நடிப்புக்கு பிரேக் விட்டதில் மீண்டும் எடை கூடிவிட்டார். இதனால் சமூக வலைத்தளங்களில் மீண்டும் உருவக்கேலிக்கு ஆளானார்.
இந்த நிலையில் சமீபத்தில் நடந்த தனது திருமணத்தில்கூட நேரடியான உருவக்கேலிக்கு ஆளானதாக அவர் கூறியிருப்பது அதிர்ச்சியை ஏற்படுத்தி உள்ளது. இது தொடர்பாக திருமணத்திற்கு பிந்தைய நேர்காணல் ஒன்றில் “ சமூக வலைத்தளங்களில் மட்டும் நான் உருவகேலிக்கு ஆளாகவில்லை. எனது திருமணத்தன்றும் நான் உருவக்கேலிக்கு ஆளானேன். அதை நான் பொருட்படுத்தவில்லை. எனது உடல் எடையில் நான் சவுகரியமாகவே இருக்கிறேன். தேவைப்படும் நேரத்தில் உடல் எடையை குறைக்கவும் என்னால் முடியும்” என்று கூறியிருக்கிறார்.
இந்த நிலையில் சமீபத்தில் நடந்த தனது திருமணத்தில்கூட நேரடியான உருவக்கேலிக்கு ஆளானதாக அவர் கூறியிருப்பது அதிர்ச்சியை ஏற்படுத்தி உள்ளது. இது தொடர்பாக திருமணத்திற்கு பிந்தைய நேர்காணல் ஒன்றில் “ சமூக வலைத்தளங்களில் மட்டும் நான் உருவகேலிக்கு ஆளாகவில்லை. எனது திருமணத்தன்றும் நான் உருவக்கேலிக்கு ஆளானேன். அதை நான் பொருட்படுத்தவில்லை. எனது உடல் எடையில் நான் சவுகரியமாகவே இருக்கிறேன். தேவைப்படும் நேரத்தில் உடல் எடையை குறைக்கவும் என்னால் முடியும்” என்று கூறியிருக்கிறார்.
Advertisement
வாசகர்கள் கருத்துகள்
முதல் நபராக கருத்து தெரிவியுங்கள்!