25வது நாளைக் கடந்த லவ்வர்

அறிமுக இயக்குனர் பிரபுராம் வியாஸ் இயக்கத்தில், ஷான் ரோல்டன் இசையமைப்பில், மணிகண்டன், ஸ்ரீகவுரிப்ரியா, கண்ணா ரவி மற்றும் பலர் நடிப்பில் பிப்ரவரி 9ம் தேதி வெளியான படம் "லவ்வர்". ஓரளவிற்கு வரவேற்பான விமர்சனங்களைப் பெற்ற இப்படம் மிதமான வசூலைக் கொடுத்துள்ளது. நேற்றுடன் இப்படம் 25 நாளைக் கடந்துள்ளது.

இந்த வருடத்தில் இதுவரையில் வெளிவந்த படங்கள் வசூல் ரீதியாக பெரும் சாதனையைப் படைக்கவில்லை என்றாலும் சில படங்கள் 25 நாட்களைக் கடந்து ஓடியிருக்கிறது.

“அயலான், கேப்டன் மில்லர், மிஷன் சாப்ர் 1, சிங்கப்பூர் சலூன், ப்ளூ ஸ்டார், வடக்குபட்டி ராமசாமி, தூக்குதுரை” ஆகிய படங்கள் 25 நாட்களைக் கடந்துள்ளது. அந்த வரிசையில் தற்போது "லவ்வர்" படமும் இணைந்துள்ளது.

நான்கு வாரங்களுக்குப் பிறகு ஓடிடி தளங்களில் புதிய படங்கள் வெளியாகும் நிலையில் சில படங்கள் அந்த நான்கு வாரங்களைக் கடப்பது பெரிய விஷயம்தான்.