ஜூனியர் என்டிஆருக்கு அறுவை சிகிச்சை

ராஜமவுலி இயக்கி உள்ள ஆர்ஆர்ஆர் படத்தில் ராம் சரணுடன் இணைந்து இன்னொரு ஹீரோவாக நடித்திருக்கிறார் ஜூனியர் என்டிஆர். இப்படம் வருகிற ஜனவரி 7-ஆம் தேதி உலகம் முழுவதும் வெளியாக உள்ளது. சமீபத்தில் இந்த படத்தின் கிளிம்ப் வீடியோ ஒன்று வெளியாகி மிகப்பெரிய அளவில் வைரலானது.

இந்த நிலையில் அடுத்தபடியாக தான் நடிக்கும் படத்திற்காக பாடி லாங்குவேஜை மாற்று முயற்சியாக கடினமான உடற்பயிற்சியில் ஈடுபட்டு வந்தார் ஜூனியர் என்டிஆர். அதற்காக அவர் ஜிம்மில் உடற்பயிற்சி செய்து கொண்டிருந்தபோது தவறி விழுந்ததில் அவரது கையில் எலும்பில் முறிவு ஏற்பட்டுள்ளது. அதையடுத்து அறுவை சிகிச்சை நடத்தப்பட்டு தற்போது ஓய்வில் இருந்து வருகிறார் ஜூனியர் என்டிஆர். சமீபத்தில் பிரபல தெலுங்கு நடிகர்களான சிரஞ்சீவி, பாலகிருஷ்ணா ஆகியோரும் கையில் அறுவை சிகிச்சை செய்து கொண்டார்கள் என்பது குறிப்பிடத்தக்கது.