சூரரைப்போற்று ஹிந்தி ரீமேக்கும் ஓடிடியில்தான் வெளியாகிறதா?

கடந்த 2020ம் ஆண்டு சுதா இயக்கத்தில் சூர்யா நடித்து வெளியான படம் சூரரைப் போற்று. கொரோனா தொற்று காரணமாக இந்த படம் ஓடிடியில் வெளியாகி வரவேற்பை பெற்றது. அதோடு சிறந்த நடிகர், நடிகை உள்பட ஐந்து தேசிய விருதுகளையும் பெற்றுள்ளது. தற்போது ஹிந்தியில் அக்ஷய் குமார் நடிப்பில் சூரரைப் போற்று படத்தை ரீமேக் செய்து வருகிறார் சுதா. இப்படத்தில் சூர்யாவும் ஒரு கெஸ்ட் ரோலில் நடிக்கிறார்.

இந்த நிலையில் சூரரைப் போற்று படத்தை போலவே ஹிந்தி ரீமேக்கும் ஓடிடி தளத்தில் வெளியாக இருப்பதாக கடந்த சில தினங்களாக ஒரு செய்தி வைரலாகி வந்தது. ஆனால் இந்த செய்தியை தற்போது படக்குழு மறுத்துள்ளது. சூரரைப்போற்று ஹிந்தி ரீமேக் படம் கண்டிப்பாக தியேட்டரில் தான் வெளியாகும். தியேட்டரில் ஓடிடி முடித்த பிறகு தான் ஓடிடிக்கு வரும் என்று ஒரு செய்தி வெளியிட்டு வதந்திக்கு முற்றுப்புள்ளி வைத்துள்ளார்கள்.