முதல் பாடல் மே 22ல், படம் ரிலீஸ் ஜூலை 12ல்: ஒரே போஸ்டரில் இரண்டு அப்டேட் வெளியிட்ட 'இந்தியன்-2' படக்குழு | ‛படையப்பா' ரீ-ரிலீஸாகிறது : ரஜினியை சந்தித்து பேசிய பிஎல் தேனப்பன் | அஜித்தின் ‛குட் பேட் அக்லி' முதல் பார்வை வெளியீடு - எதிர்பாராததை எதிர்பாருங்கள் | விஜய், தனுஷை தொடர்ந்து சிவகார்த்திகேயனுக்கு ஜோடியாகும் ராஷ்மிகா | தீபாவளியை குறிவைக்கும் கங்குவா படக்குழு | ஸ்ரீ கணேஷ் இயக்கத்தில் சித்தார்த் | ராஜமவுலி - மகேஷ்பாபு பட தயாரிப்பு நிறுவனம் வெளியிட்ட திடீர் அறிவிப்பு | வளரும் நடிகர் பட்டியலில் இணைந்த கவின் | மிஸ்டர் அண்ட் மிஸஸ் படத்தில் ஜோடி சேரும் ராபர்ட் மாஸ்டர் - வனிதா விஜயகுமார் | ஆரம்பமே ஹீரோயின் : அசத்தும் தேஜூ அஸ்வினி |
தமிழ்த் திரையுலகத்தில் 50 வருடங்களுக்கும் மேலாக அனுபவமுள்ளவர் கமல்ஹாசன். திறமையானவர், பல புதிய விஷயங்களை தமிழ் சினிமாவில் அறிமுகப்படுத்தியவர் என்பதில் மாற்றுக் கருத்தில்லை. ஆனால், தற்போது அவர் நடித்துக் கொண்டிருக்கும் படங்களே தடுமாறிக் கொண்டிருக்க புதிதாக வெற்றிமாறன் இயக்கத்தில் நடிக்க பேச்சு வார்த்தை நடந்து வருவதாக தகவல் வெளியாகி உள்ளது.
ஷங்கர் இயக்கத்தில் 'இந்தியன் 2' விவகாரம் நீதிமன்ற நிலுவையில் உள்ளது. 'சபாஷ் நாயுடு' படம் இனிமேலும் நகராது என்பது அனைவருக்கும் தெரிந்த ஒன்று தான். 'தலைவன் இருக்கின்றான்' படத்தின் வேலைகள் எப்போதே ஆரம்பமாகியது, அதன்பின் என்ன ஆனதென்றே தெரியவில்லை. அவற்றோடு 'விக்ரம்' படத்திற்கும் அதிகாரப்பூர்வ அறிவிப்பு வெளியாகியது.
அத்தனை படங்களும், எப்போது முடிவுக்கு வரும் என இழுத்துக் கொண்டிருக்க, வெற்றிமாறன் இயக்கத்தில் கமல்ஹாசன் நடிக்கப் போகிறார் என்ற செய்தி பேச்சோடு போகுமா நடக்குமா என்பது சீக்கிரமே தெரிந்துவிடும்.
லோகேஷ் கனகராஜ் இயக்கத்தில் உருவாக உள்ள 'விக்ரம்' படத்தின் கதை, திரைக்கதையில் கமல்ஹாசன் தலையிட்டு சில பல மாற்றங்களை சொன்னதால் தான் அப்படத்தின் படப்பிடிப்பு தாமதமாகிறது என்பது கூடுதல் தகவல்.