அதர்வாவுக்கு ஜோடியாக நடிக்கும் சோஷியல் மீடியா பிரபலம் | ராதிகாவுக்கு காலில் என்னாச்சு : நேரில் நலம் விசாரித்த சிவகுமார் | அல்லு அர்ஜுன் - சிரஞ்சீவி குடும்பத்தினர் மோதல் ? | நில சர்ச்சை விவகாரம் : ஜூனியர் என்.டி.ஆர் விளக்கம் | மே 31ல் ரிலீஸாகும் ‛மல்ஹர்' திரைப்படம் | என் கதாபாத்திரங்களை அவர் ஸ்டைலில் அசத்தியிருக்கிறார் : பஹத் பாசிலுக்கு மம்முட்டி பாராட்டு | இயக்குனர்களுக்கு இணையான சம்பளம் ; டர்போ கதாசிரியர் வேண்டுகோள் | 'வீர தீர சூரன்' முதல் கட்டப் படப்பிடிப்பு நிறைவு | காதலித்த நடிகை விபத்தில் இறக்க : தற்கொலை செய்து கொண்ட நடிகர் | 'செப்' ஆனார் ஏஆர் ரஹ்மான் மகள் ரஹீமா |
நேர்கொண்ட பார்வை படத்தை அடுத்து அஜித் நடித்து வரும் வலிமை படத்தையும் தயாரித்து வருகிறார் போனி கபூர். எச்.வினோத் இயக்குகிறார். இந்த படத்தின் படப்பிடிப்பு இறுதிக்கட்டத்தை எட்டியுள்ளது. பிப்ரவரி மாதத்தோடு படப்பிடிப்பு முடிவடைந்து இறுதிக்கட்ட பணிகளை தொடங்குகிறார்கள்.
ஆனபோதும் இதுவரை வலிமை படம் குறித்த எந்தவொரு அப்டேட்டையும் வெளியிடாததால் அஜித் ரசிகர்கள் தொடர்ந்து டைரக்டர் எச்.வினோத், தயாரிப்பாளர் போனி கபூரிடம் வலிமை அப்டேட் குறித்து கேட்டு வருகின்றனர். ஆனபோதும் ரசிகர்களின் வேண்டுகோளுக்கு செவி சாய்க்காமல் இருந்து வருகிறார்கள். அதனால் தான் சமீபத்தில் கூட, கடவுள் முருகனின் பேனரை ஏந்தி, நீயாவது வலிமை படம் குறித்த அப்டேட் சொல்லு முருகா என்று ரசிகர்கள் கேட்டுக் கொண்டார்கள், அந்த அளவுக்கு விரக்தியின் உச்சத்துக்கே சென்று விட்டார்கள் ரசிகர்கள்.
இப்படியான நிலையில், ஜனவரி 26ம் தேதி பவுடர் என்ற படத்தின் டீசரை போனி கபூர் வெளியிடுவதாக ஒரு போஸ்டர் வெளியிடப்பட்டுள்ளது. அதைப்பார்த்து அஜித் ரசிகர்கள் இன்னும் டென்சன் ஆகி விட்டார்கள். பல மாதங்களாக வலிமை அப்டேட் கேட்டு வருகிறோம். ஆனால் அதைப்பற்றியெல்லாம் கவலைப்படாத போனிகபூர், இன்னொரு படத்தின் டீசரை வெளியிடுவதா? என்றும் போனிகபூரை நோக்கி காட்டமான பதிவுகளை வெளியிட்டு வருகிறார்கள்.