ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் | வாக்காளர் பட்டியலில் மமிதா பைஜூ பெயர் நீக்கம் | காதலரின் புகைப்படங்களை நீக்கிய ஸ்ருதிஹாசன் : முடிவுக்கு வந்ததா காதல்? | ஜூலை மாதத்தில் வெளியாகும் ராயன் | சிவகார்த்திகேயன் படத்திற்காக 14 ஆண்டுகளுக்கு பிறகு தமிழுக்கு திரும்பும் மலையாள நடிகர் |
தேசிய விருது பெற்ற பிரபல மலையாள சினிமா இயக்குனர் அஜயன், காலமானார். ஒரு படைப்பாளி எத்தனை படம் இயக்கினார் என்பதை விட, எத்தனை காலம் ரசிகர்களின் நினைவில் நிற்கிறார் என்பது தான் அவருக்கு கிடைக்கும் உயர்ந்த மரியாதை. அப்படி மலையாளத்தில் 1984ல் 'பெருந்தச்சன் என்கிற ஒரே ஒரு படத்தை மட்டும் இயக்கிய இயக்குனர் அஜயன் அந்தப்படத்திற்காக தேசிய விருதும் பெற்றார்.
மலையாள சினிமாவில் நல்ல படங்களை பட்டியலிட்டால் முதல் 5௦ படங்களில் இந்தப்படத்திற்கும் ஒரு இடம் இருக்கும். எம்.டி.வாசுதேவன் நாயரின் புத்தகங்களால் ஈர்க்கப்பட்டு சினிமாவில் இயக்குனரான இவர், பின்னாளில் அவரது கதையையே படமாக எடுத்து சாதனை செய்தார். ஆனால் ஆச்சர்யம் என்னவென்றால் அதன்பின் அவர் படம் எதுவுமே இயக்கவில்லை என்பதுதான்.
66 வயதான அஜயன், புற்று நோய் பாதிப்பு ஏற்பட்டு அதற்காக சிகிச்சை பெற்று வந்தார். நோய் முற்றிய நிலையில் சிகிச்சை பலன் இன்றி நேற்று காலமானார். அவருக்கு கஷாமா என்ற மனைவியும், பார்வதி, லட்சுமி என்ற இரு மகள்களும் உள்ளனர். அஜயன் உடலுக்கு மலையாள திரையுலகினர் அஞ்சலி செலுத்தினர்.