ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
விஜய் ஆண்டனி, டயானா சம்பிகா நடித்த அண்ணாத்துரை படம் நேற்று வெளியானது. தமிழ்நாடு முழுவதும் 400 தியேட்டர்களில் வெளியிடப்பட்டது. படம் வெளியானதையொட்டி நேற்று பத்திரிகையாளர்களை சந்தித்த விஜய் ஆண்டனி, "அண்ணாத்துரை என்ற தலைப்புக்கு யாரும் எதிர்ப்பு தெரிவிக்கவில்லை. அதுவே எங்களுக்கு மகிழ்ச்சி. அந்த பெயருக்கு களங்கம் ஏற்படாதபடி தான் படத்தையும் எடுத்துள்ளோம்" என்றார் அவர் மேலும் கூறியதாவது:
ராதிகா, தயாரிப்பாளராகவும், நான் நடிகராகவும் ஒரு படத்தில் இணைவோம் என நான் எதிர்பார்க்கவேயில்லை. டயானா சம்பிகா தமிழ் பொண்ணு தான், நல்ல நடிகை, அவரே படத்தில் டப்பிங்கும் பேசியிருக்கிறார். அலெக்சாண்டர் படத்தை மக்களிடம் கொண்டு சேர்க்கும் வேலையை சிறப்பாக செய்திருக்கிறார். என் கதாபாத்திரங்களில் எனக்கு என்ன வருமோ அதை நான் பிரதிபலிக்கிறேன். எனக்கு வராத விஷயங்களை நான் முயற்சி செய்வதில்லை.
நல்ல சினிமாவுக்கு பாடல்கள் அவசியமே இல்லை. முன்பை போல பாடல்களுக்கு இப்போது வருவாய் வருவதில்லை. அதனால் எங்கள் வெப்சைட்டில் இலவசமாக வழங்கியிருக்கிறோம். படத்தில் எனக்கு டபுள் ரோல். அண்ணன் கதாபாத்திரத்துக்கு அண்ணாதுரை, தம்பிக்கு தம்பிதுரை என்றும் வைத்தோம், படத்துக்கு தலைப்பு குலசாமி எனவும் வைக்க முடிவு செய்தோம். பின் பிச்சைக்காரன் படத்தில் வரும் அருள் போலவே ரொம்ப சிறந்த கதாபாத்திரம் என்பதாலும், அண்ணாதுரை என்ற தலைப்பை அவமதிப்பு செய்யாததாலும் இந்த தலைப்பையே வைத்தோம். எந்த அரசியல் கட்சியும் இந்த தலைப்புக்கு இதுவரை ஆட்சேபம் தெரிவிக்கவில்லை என்றார் விஜய் ஆண்டனி.