ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
அவள் பெயர் தமிழரசி படத்தை தொடர்ந்து எழுத்தாளர் மீரா கதிரவன், நீண்ட இடைவெளிக்கு பிறகு இயக்கியுள்ள படம் விழித்திரு. கிருஷ்ணா, விதார்த், வெங்கட்பிரவு, தன்ஷிகா, எரிக்கா பெர்ணாண்டஸ், அபிநயா உள்பட பலர் நடித்துள்ளனர். விழித்திரு படத்தில் டி.ராஜேந்தர் ஒரு பாடல் பாடியிருக்கிறார். படத்தில் தன்ஷிகா, டி.ராஜேந்தரின் ரசிகையாக நடித்திருப்பதாக கூறப்படுகிறது.
இந்நிலையில், விழித்திரு படத்தின் பத்திரிகையாளர் சந்திப்பு சென்னையில் நடந்தது. இதில் படக்குழுவினருடன் டி.ராஜேந்தரும் பங்கேற்றார். நிகழ்ச்சியில் தன்ஷிகா பேசும் போது டி.ராஜேந்தரின் பெயரை குறிப்பிட மறந்துவிட்டார்.
இதையடுத்து பேச வந்த டி.ராஜேந்தர், எவ்வளவு பெரிய நடிகையாக இருந்தாலும் சபை நாகரிகம் தெரிந்திருக்க வேண்டும் என்று தன்னுடைய பாணியில் அடுக்கு மொழியில் பேச, இதை சற்றும் எதிர்பார்க்காத தன்ஷிகா, மேடையில் அமர்ந்திருந்த போது கண் கலங்க தொடங்கிவிட்டார். இது சிறு சலசலப்பை ஏற்படுத்தியது.
விழித்திரு படம் அக்., 6-ம் தேதி ரிலீஸாக உள்ளது.