ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
கர்நாடக மாநில அரசியல் பிரமுகர் ஜக்தேஷின் மகன், குரு ஜக்தேஷ். பல படங்களில் நடித்து வருகிறார். தமிழ் படமான 7ஜி ரெயின்போ காலனியின் கன்னட ரீமேக்கில் நடித்து புகழ் பெற்றவர். பெங்களூரு ஆர்.டி நகரில் வசித்து வரும் குரு, நேற்று தன் குழந்தையை காரில் பள்ளிக்கு அழைத்துச் சென்றார். பள்ளியின் முன்னால் காரை நிறுத்தி மகளை பள்ளிக்குள் அனுப்பிக் கொண்டிருந்தார்.
அப்போது அந்த வழியாக ஒரு இளைஞர் பைக்கை தாறுமாறாக ஓட்டி வந்துள்ளார். அவரை நிறுத்திய குரு, பள்ளி குழந்தைகள் நடமாடும் இடத்தில் இப்படி பைக்கை ஓட்டிவரலாமா என்று கண்டித்துள்ளார். அந்த இளைஞர் அப்படித்தான் வருவேன் என்று கூறியிருக்கிறார், இது தொடர்பாக இருவருக்குள்ளும் வாக்குவாதம் நடந்துள்ளது. அப்போது திடீரென தன் இடுப்பில் இருந்த கத்தியை எடுத்து குருவின் தொடையில் குத்திவிட்டு அந்த இளைஞர் தப்பியோடிவிட்டார். உடனடியாக அக்கம் பக்கத்திலிருந்தவர்கள் ஓடிவந்து குருவை அருகில் உள்ள மருத்துவமனையில் சேர்த்தனர். அங்கு அவருக்கு சிகிச்சை அளிக்கப்பட்டது.
"தையல் போடப்பட்டு சிகிச்சை அளிக்கப்பட்டு வருகிறது. ஆபத்து எதுவும் இல்லை. இது தொடர்பாக போலீசில் புகார் அளித்துள்ளோம். பள்ளி சிசிடிவி கேமரா புட்டேஜை கைப்பற்றி போலீசார் விசாரணை நடத்தி வருகிறார்கள்" என்று குருவின் தந்தை ஜக்தேஷ் தெரிவித்தார்.