அக்டோபர் 6 ல் சமந்தா திருமணம்

நீங்கள் இங்கே இருக்கிறீர்கள்: முகப்பு » பிறமொழி செய்திகள் »

21 மே, 2017 - 12:30 IST

எழுத்தின் அளவு:

Samantha---Naga-saithanya-wedding-may-planned-on-October-6th

நடிகை சமந்தா, தெலுங்கு நடிகர் நாகர்ஜூனாவின் மகனும் இளம் நடிகருமான நாக சைதன்யாவை தீவிரமாக காதலித்து வருகிறார். இருவரும் ஐதராபாத்தில் தனியாக வசித்து வருகிறார்கள். இவர்கள் காதலுக்கு நாகர்ஜுனா குடும்பம் பச்சைக்கொடி காட்டிவிட்டது. இவர்களின் திருமண நிச்சயதார்த்தம் கடந்த ஜனவரி மாதம் 29ந் தேதி ஐதராபாத்தில் நடந்தது.

நிச்சயதார்த்தத்தின்போது திருமண தேதி அறிவிக்கப்படும் என்று எதிர்பார்க்கப்பட்டது. ஆனால் இந்த ஆண்டு இறுதிக்குள் திருமணம் என்றே சொல்லப்பட்டது. இருவரும் கையில் உள்ள படங்களை முடித்து கொடுத்த பிறகு திருமண தேதி அறிவிப்பப்படும் என்றார்கள். ஆனால் இருவருமே புதிய படங்களில் ஒப்பந்தமானார்கள். இதனால் இந்த ஆண்டுக்குள் திருமணம் நடக்க வாய்ப்பில்லை. சினிமாவுக்காக திருமணத்தை தள்ளிபோட்டுவிட்டு இருவரும் லிவ்விங் டூ கெதராக வாழ்ந்து வருவதாக கூறப்பட்டது.

தற்போது சமந்தா தமிழில் இரும்புத்திரை, அநீதி கதைகள், விஜய் 61 படங்களில் நடித்து வருகிறார். தெலுங்கில் 3 படங்களில் நடித்து வருகிறார். நாகசைதன்யா ஒரு படத்தில் நடித்து வருகிறார். இந்த நிலையில் சமந்தா வருகிற அக்டோபர் முதல் தேதியிலிருந்து 10ந் தேதி வரை தான் கொடுத்திருந்த தேதிகளை திரும்ப பெற்றுக் கொண்டிருக்கிறார். 10 நாட்களுக்கான படபிடிப்பை பின்னர் நடத்திக் கொள்ளுமாறு கேட்டிருக்கிறார்.

இதற்கு காரணம் சமந்தா, நாகசைதன்யா திருமணம் அக்டோபர் 6 ந் தேதி நடக்க இருக்கிறது. நாகார்ஜுனா குடும்ப வட்டாரங்கள் இதனை தெரிவிக்கிறது. திருமண ஏற்பாடுகள் தொடங்கிவிட்டதாகவும் தெரிகிறது. திருமண தேதியை விரைவில் முறைப்படி அறிவிப்பார்கள் என்று கூறப்படுகிறது. திருமணத்திற்கு பிறகும் இருவரும் நடிக்க முடிவு செய்திருக்கிறார்கள்.

Samantha

Naga saithanya

wedding

சமந்தா

நாகசைதன்யா

திருமணம்

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

ஹாக்கி விளையாட்டு வீரர் ஆனார் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய