ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
தமிழ்த் திரையுலகில் புதிதாக வெளியாகும் படங்கள் 'பைரசி' இணையதளங்கள் படம் வெளியாகும் அன்றே அவர்களது இணையதளங்களில் வெளியிட்டு தயாரிப்பாளர்களுக்கு மிகப் பெரும் சவாலாக இருக்கிறார்கள். அவர்களை சட்ட ரீதியாக நிரந்தரமாகத் தடுப்பது பற்றி திரையுலகத்தைச் சார்ந்தவர்களும், சம்பந்தப்பட்ட அரசுகளும் எந்தவிதமான முயற்சியில் ஈடுபடாமலே இருக்கிறார்கள். இதனால், வெளிவரும் பல பெரிய படங்கள் மிகப் பெரும் நஷ்டத்தை வசூல் ரீதியாக சந்தித்து வருகின்றன. படங்களை இணையதளங்களில் வெளியிடுவது அப்பட்டமான திருட்டுத் தனம் என்பதை சம்பந்தப்பட்டவர்கள் உணர்ந்த மாதிரி தெரியவில்லை.
பெரிய படங்களைத்தான் அப்படி 'பைரசி' இணையதளங்களில் பதிவேற்றம் செய்கிறார்கள் என்று பார்த்தால் கடந்த வாரம் வெளிவந்த மிகச் சிறிய படத்தையும் பதிவேற்றி அந்தப் படம் சம்பந்தப்பட்டவர்களுக்கு கடும் அதிர்ச்சியைக் கொடுத்திருக்கிறார்கள்.
கடந்த வாரம் 10ம் தேதி 'லைட்மேன்' என்ற மிகச் சிறிய படம் ஒன்று வெளிவருவதற்கு ஒரு நாள் முன்னதாக 9ம் தேதியே 'தமிழ் ராக்கர்ஸ்' உட்பட பல இணையதளங்களில் திருட்டுத்தனமாகப் பதிவேற்றியுள்ளார்கள் என்று அந்தப் படத்தில் நாயகனாக நடித்த கார்த்திக் நாகராஜன் அவருடைய முகப்புத்தகத்தில் இது குறித்து வேதனையுடன் ஒரு பதிவை எழுதியுள்ளார்.
அவருடைய பதிவை பிரகாஷ்ராஜ், பிரசன்னா, ஐஸ்வர்யா ராஜேஷ் உள்ளிட்ட நடிகர்கள் ஷேர் செய்து தங்களது வேதனைகளையும் பகிர்ந்துள்ளனர்.
இனியும், திரையுலகத்தினர் அமைதியாக இருந்தால் இது போன்ற பலர் பாதிக்கப்பட வாய்ப்புள்ளது.