Dinamalar

பவன் கல்யாண் ஜோடியாக கீர்த்தி சுரேஷ்

தமிழ்த் திரையுலகத்தில் 'இது என்ன மாயம்' படம் மூலம் நாயகியாக அறிமுகமானவர் கீர்த்தி சுரேஷ். 80களில் தமிழ், மற்றும் மலையாளப் படங்களில் நாயகியாக நடித்த மேனகாவின் மகள். 'ரஜினி முருகன்' படத்தின் வெற்றிக்குப் பிறகு கீர்த்தி சுரேஷ் அதிகம் கவனிக்கப்பட்ட நடிகையானார். சமீபத்தில் வெளிவந்த 'ரெமோ' படத்தின் வெற்றி அவரை தமிழின் முன்னணி ஹீரோயின்களில் ஒருவராக உயர்த்தியது. தற்போது விஜய்யுடன் கீர்த்தி நடித்து வரும் 'பைரவா' படம் வெளிவந்தால் அவரது நட்சத்திர அந்தஸ்து மேலும் உயரும். அடுத்து சூர்யாவுடன் 'தானா சேர்ந்த கூட்டம்' படமும் அவரை வேறு ஒரு கட்டத்திற்கு அழைத்துச் சென்றுவிடும். ஆக, அடுத்த ஆண்டில் கீர்த்தி சுரேஷ் நம்பர் 1 ஹீரோயினாக வந்தாலும் ஆச்சரியப்படுவதற்கில்லை.

தெலுங்கிலும் அவர் அறிமுகமான 'நேனு ஷைலஜா' என்ற படம் வெற்றிப் படமாக அமைந்தது. ஆனாலும், அதன்பின் அவர் அதிகமான தெலுங்குப் படங்களில் நடிக்கவில்லை. 'நேனு லோகல்' என்ற ஒரே ஒரு படத்தில் மட்டுமே நடித்து வருகிறார். இதனிடையே தெலுங்கின் மிகப் பெரிய ஸ்டாரான பவன் கல்யாண் ஜோடியாக நடிக்க கீர்த்தி சுரேஷ் ஒப்பந்தம் ஆகியுள்ளார். “என்னுடைய அடுத்த தெலுங்குப் படம் பற்றி அறிவிக்க மிக்க மகிழ்ச்சியாக உள்ளது,” என அவரே தெரிவித்துள்ளார். தெலுங்குத் திரையுலகின் முன்னணி இயக்குனர்களில் ஒருவரான த்ரிவிக்ரம் சீனிவாஸ் இந்தப் படத்தை இயக்க உள்ளார். பவன் கல்யாண் ஜோடியாக கீர்த்தி சுரேஷ் நடிப்பதைத் தொடர்ந்து அங்கும் அவருடைய நட்சத்திர அந்தஸ்து உயர வாய்ப்புள்ளது.

அதோடு இயக்குனர் கொரடலா, மகேஷ்பாபு இணைய உள்ள படத்திலும், லிங்குசாமி, அல்லு அர்ஜுன் இணைய உள்ள படத்திலும் கீர்த்தி சுரேஷை நாயகியாக நடிக்க வைக்க பேச்சு வார்த்தைகள் நடந்து வருவதாகத் தெரிகிறது.

• 
  அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு
• 
  14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன்
• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?

• 
  மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட ...
• 
  ஏழு தோல்வி படங்களுக்குப் பிறகு ஏப்., 26ல் வெற்றியை ருசிப்பாரா திலீப் ?
• 
  சொத்து மதிப்பை வெளியிட்ட பவன் கல்யாண்
• 
  'மஞ்சும்மேல் பாய்ஸ்' ஓடிடி உரிமை எவ்வளவு தெரியுமா?
• 
  பிளாஷ்பேக்: இசையிலும் சாதனை படைத்த ராஜ்குமார்