Dinamalar

குறும்படத்தை காட்டி படம் இயக்க வாய்ப்பு கேட்டவரை நடிகராக்கிய மம்முட்டி..!

தனது முதல் படமான 'ஓம் சாந்தி ஒசானா'வில் நிவின்பாலி-நஸ்ரியா ஜோடியை மீண்டும் இணைத்து, மலையாள சினிமாவில் வெற்றிகரமாக அடியெடுத்து வைத்தவர் மலையாள இயக்குனர் ஜூட் ஆண்டனி ஜோசப்.. அதற்குமுன் வினீத் சீனிவாசனிடம் உதவி இயக்குனராக சேர்ந்து அவரது முதல் இரண்டு படங்களில் பணியாற்றியவர்.. சினிமாவுக்குள் இவர் நுழைவதற்கு மெகாஸ்டார் மம்முட்டிதான் இன்ஸ்பிரேஷன். அதானால் தான் தனது முதல் படம் இயக்குவதற்கு முன்பே மம்முட்டியை பற்றி 'மம்முக்கா பயோகிராபி' என்கிற குறும்படத்தை எடுத்தார்.

அதுவரை மம்முட்டியை ஒருமுறையாவது நேரில் சந்தித்துவிடவேண்டும் என்கிற ஆவலில் இருந்த ஜூட் ஆண்டனிக்கு, இப்போது மம்முட்டியை பற்றி தான் எடுத்த குறும்படத்தையும் அவரிடம் காட்டவேண்டும் என்கிற ஆசையும் உடன் சேர்ந்துகொண்டது.. வினீத் சீனிவாசனிடம் உதவி இயக்குனராக வேலை பார்த்தபோது விஷயத்தை அவரிடம் சொல்ல, அவர் அந்த சமயத்தில் ஒரு படப்பிடிப்பில் இருந்த மம்முட்டியை சந்திக்க அழைத்து சென்றாராம். ஜூட் ஆண்டனியை பார்த்த மம்முட்டி “என்னிடம் ஏதும் கதை சொல்கிறேன்.. கால்ஷீட் கேட்கிறேன் என வரவில்லையே” என கேட்டாராம்..

அதற்கு ஜூட் ஆண்டனி, இல்லை எனவும், தான் அவரைப்பற்றி இயக்கிய குறும்பத்தை அவர் பார்க்கவேண்டும் எனவும் மட்டும் சொல்லவே அந்த பதிலால் அவரை மம்முட்டிக்கு பிடித்துப்போனது. அதன்பின் ஒருமாதம் கழித்து அந்தப்படப்பிடிப்பு தளத்துக்கு மீண்டும் மம்முட்டியை பார்க்க தனியாக சென்றார் ஜூட் ஆண்டனி.. அப்போது மம்முட்டியை சுற்றி ஒரு கும்பலே நின்றிருக்க, தொந்தரவு செய்யவேண்டாம் என திரும்பி நடக்க ஆரம்பித்தார்.. ஆனால் பின்னாலிருந்து 'எடோ நீ இங்கோட்டு வரான்' என மம்முட்டி அவரை அழைக்க, அத்தனை பேர் முன்னிலையில் தன்னை மம்முட்டி ஞாபகம் வைத்து அழைத்ததை நினைத்து சிலிர்த்துப்போனாராம் ஜூட் ஆண்டனி..

அதன்பின் அவர் தன்னை பற்றி எடுத்த குறும்படத்தை மம்முட்டி பாராட்ட, உங்களை வைத்து பெரிய படமே எடுக்கவேண்டும் என சமயம் பார்த்து ஒரு 'பிட்'டை போட்டாராம் மம்முட்டி.. இது நடந்து சில வருடங்களில் ஜூட் ஆண்டனி தனது முதல் படமான 'ஓம் சாந்தி ஓசானா'வை இயக்கி, அடுத்ததாக இதோ 'ஒரு முத்தச்சி கதா' என்கிற படத்தையும் இயக்கி முடித்துவிட்டார். இந்தசமயத்தில்தான், மம்முட்டி தான் நடித்துவரும் 'தோப்பில் ஜோப்பன்' என்கிற படத்தில் ஒரு முக்கியமான கேரக்டர் ஒன்று இருக்க தன்னிடம் படம் இயக்க வாய்ப்பு கேட்ட ஜூட் ஆண்டனியை வரவழைத்து அந்த கேரக்டரில் நடிக்கவைத்துவிட்டராம். இது எப்படி இருக்கு..?.

• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?
• 
  ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி
• 
  அயோத்தியில் இடம் வாங்கிய அமிதாப்பச்சன்

• 
  ஏழு தோல்வி படங்களுக்குப் பிறகு ஏப்., 26ல் வெற்றியை ருசிப்பாரா திலீப் ?
• 
  சொத்து மதிப்பை வெளியிட்ட பவன் கல்யாண்
• 
  'மஞ்சும்மேல் பாய்ஸ்' ஓடிடி உரிமை எவ்வளவு தெரியுமா?
• 
  பிளாஷ்பேக்: இசையிலும் சாதனை படைத்த ராஜ்குமார்
• 
  ஹாலிவுட் பட ஆடிசனில் கலந்து கொண்ட பஹத் பாசில்