மோகன்லால் படத்துக்கு ஸ்கிரிப்ட் எழுத கதாசிரியர்கள் மறுப்பு..!

நீங்கள் இங்கே இருக்கிறீர்கள்: முகப்பு » பிறமொழி செய்திகள் »

23 ஜூன், 2016 - 15:16 IST

எழுத்தின் அளவு:

story-writer-reused-to-write-story-for-mohanlal

கரும்பையும் கொடுத்து தின்பதற்கு கூலியையும் கொடுத்தால் வேண்டாம் என யாராவது சொல்வார்களா..? ஆனால் சொல்கிறார்களே.. மோகன்லால் படத்துக்கு கதை எழுதுங்கள் என தேடிப்போகும் கதாசிரியர்கள் எல்லாம் இல்லை என்னால் முடியாது என மறுத்து ஒதுங்குகிறார்கள் என்பது அதிசயத்திலும் அதிசயம்.. ஆனால் அவர்கள் ஒதுவங்குவது மோகன்லாலை பார்த்து அல்ல.. அவரை வைத்து படம் இயக்கப்போகும் பிரபல இயக்குனர் ஐ.வி.சசியை பார்த்து தான்.

காரணம் மலையாள திரையுலகில் நாற்பது வருட வெற்றிவரலாறு கொண்டவர் இயக்குனர் ஐ.வி.சசி. மம்முட்டியை வைத்து ஐந்து படங்களை இயக்கினால் மோகன்லாலை வைத்து ஒன்றை இயக்குவார். அப்படியும் மோகன்லாலை வைத்து 22 படங்களை இயக்கிய ஐ.வி.சசி, மோகன்லாலுக்கு 'அனுராகி', 'தேவாசுரம்' என ஹிட்டுக்களையும் கொடுக்க தவறவில்லை. கடைசியாக மோகன்லாலை வைத்து 2௦௦௦ல் 'ஷ்ரதா' என்ற படத்தை இயக்கினார் ஐ.வி.சசி. இப்போது வனவாசம் முடிந்ததுபோல் பதினான்கு வருடங்கள் கழித்து மீண்டும் மோகன்லாலை வைத்து ஒரு படம் இயக்கவுள்ளார்.

இந்த தகவலை இருவருமே உறுதிப்படுத்தியுள்ளார்கள். ஆனால் இந்த புதிய படம் ஏற்கனவே தங்கள் கூட்டணியில் உருவான 'தேவாசுரம்' படத்தின் கதையையும் மிஞ்சவேண்டும் என எதிர்பார்க்கிறார் ஐ.வி.சசி.. அதுதான் பிரச்சனையே.. இவர்கள் கூட்டணி நீண்ட வருடம் கழித்து இணைவதால் படத்திற்கு மிகப்பெரிய எதிர்பார்ப்பு இருக்கும். அதனால் கதை எழுதுகிறேன் என வீண் ரிஸ்க் எடுக்கவேண்டாம் என நினைக்கிறார்கள் பலரும். அவ்வளவு ஏன்.. 'தேவாசுரம்' படத்துக்கு கதை எழுதிய இயக்குனர் ரஞ்சித்தே என்னால் ஆகாதுப்பா என ஒதுங்கிவிட்டாராம். இந்தக்கூட்டணியின் ப(ட்)டத்தை வெற்றிகரமாக பறக்கவிட வரப்போகும் கதாசிரியர் யாரோ..?

story writer

reused

mohanlal

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

ஹாக்கி விளையாட்டு வீரர் ஆனார் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய