Dinamalar

மகாபாரத கேரக்டரில் மூன்றாவது முறையாக நடிக்கும் மம்முட்டி...!

மகாபாரத 'கர்ணன்' கதையை மையப்படுத்தி மலையாளத்தில் மம்முட்டி-பிருத்விராஜ் இருவர் தரப்பு இயக்குனர்களும் நடத்திவரும் குருசேத்திர போர் பற்றி கடந்த சில நாட்களாக தொடர்ந்து தகவல்களை கொடுத்து வருகிறோம். மலையாள ரசிகர்கள் பலரும் 'கர்ணன்' ஆக நடிக்க மம்முட்டியை விட பொருத்தமானவர் பிருத்விராஜ் தான் என நினைக்கின்றனராம். அதற்கு பிருத்விராஜின் வயதும் உடற்கட்டும் காரணமாக சுட்டிக்காட்டப்படுகின்றன. இது ஒரு பக்கம் இருக்க, அப்படியே மம்முட்டி இந்த கர்ணன் கேரக்டரில் நடித்தால் அது மகாபாரதத்தில் இருந்து இவர் ஏற்று நடிக்கும் மூன்றாவது கேரக்டராக இருக்கும் என்கிறார்கள் மலையாள சினிமா விமர்சகர்கள்.

25 வருடங்களுக்கு முன் சூப்பர்ஸ்டார் ரஜினி-மம்முட்டி இணைந்து நடித்த 'தளபதி' படத்தை பார்த்துவிட்டு வெளியே வந்தவர்கள் அனைவரும் அட.. மகாபாரத கதையை அப்படியே மாடர்னா எடுத்திருக்கிறார் மணிரத்னம் என சிலாகித்தார்கள். உண்மைதான். அந்தப்படத்தில் ரஜினி கர்ணனாகவும் மம்முட்டி துரியோதனன் கதாபாத்திரத்திலும் நடித்திருந்தனர். அதன்பின் 2000ல் மலையாளத்தில் ஷாஜி கைலாஷ் இயக்கத்தில் வெளியான 'வலியேட்டன்' (பெரியண்ணன்) படத்தில் மம்முட்டியின் கதாபாத்திரம் தருமர் போலவே சித்தரிக்கப்பட்டிருந்தது. அதில் தந்தையை இழந்தபின் தனது நான்கு தம்பிகளை வளர்த்து ஆளாக்கும் மூத்த அண்ணனாக நடித்திருந்தார் மம்முட்டி. ஆக இப்போது நடிக்க இருக்கும் 'கர்ணன்' இவருக்கு மூன்றாவது கதாபாத்திரம் என அலசுகிறார்கள் மலையாள சினிமா விமர்சகர்கள்.

• 
  அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு
• 
  14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன்
• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?

• 
  மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட ...
• 
  ஏழு தோல்வி படங்களுக்குப் பிறகு ஏப்., 26ல் வெற்றியை ருசிப்பாரா திலீப் ?
• 
  சொத்து மதிப்பை வெளியிட்ட பவன் கல்யாண்
• 
  'மஞ்சும்மேல் பாய்ஸ்' ஓடிடி உரிமை எவ்வளவு தெரியுமா?
• 
  பிளாஷ்பேக்: இசையிலும் சாதனை படைத்த ராஜ்குமார்