ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
'எந்திரன்' படத்தின் மாபெரும் வெற்றிக்குப் பிறகு மீண்டும் இயக்குனர் ஷங்கர் - ரஜினிகாந்த் இணைய உள்ள 'எந்திரன் 2' படத்தின் வேலைகள் எப்போதோ ஆரம்பமாகிவிட்டன. படத்தின் முழுக் கதையையும் தயார் செய்து ரஜினிகாந்திடமும் அனுமதி பெற்று விட்ட இயக்குனர் ஷங்கர் கடந்த சில மாதங்களாக படத்தின் முன் தயாரிப்புப் பணிகளில் மும்முரமாக இருந்தார். ரஜினிகாந்தும் அந்த வேலைகள் முடிவதற்குள் 'கபாலி' படத்தை நடித்துக் கொடுப்பதில் மும்முரமாகிவிட்டார். கடந்த ஒரு மாதத்திற்கும் மேலாக 'கபாலி' படப்பிடிப்பு மலேசியாவில் நடைபெற்றது. அடுத்து அப்படப்பிடிப்பிற்காக சிறிது இடைவெளி விடப்பட்டது.
'எந்திரன் 2' படத்திற்காக ரஜினிகாந்த், அமெரிக்கா சென்று மேக்கப் டெஸ்ட் பணிகளில் ஈடுபடுவதற்காக அந்த இடைவெளி விடப்பட்டது. அதற்காக இரு தினங்களுக்கு முன் ரஜினிகாந்த் அமெரிக்கா புறப்பட்டுச் சென்றார். அங்கு 'எந்திரன் 2' படத்திற்காக அவருக்கு எந்த மாதிரியான தோற்றத்தை அளிக்கலாம் என்பது குறித்து இயக்குனர் ஷங்கரும், ரஜினிகாந்தும் மேக்கப் கலைஞர்களுடன் சேர்ந்து முடிவெடுக்க உள்ளார்கள். 'ஐ' படத்திற்காக சிறப்பு மேக்கப் பணிகளைக் கையாண்டி வீட்டா நிறுவனம்தான் 'எந்திரன் 2' படத்திற்காகவும் பணியாற்ற உள்ளார்கள் எனத் தெரிகிறது.
'எந்திரன்' படம் வெளிவந்த பின் இந்த ஐந்து ஆண்டுகளில் சினிமா தொழில் நுட்பத்தில் இன்னும் பல மாற்றங்கள் ஏற்பட்டுவிட்டது. 'எந்திரன் 2' படம் இந்திய சினிமாவிற்கே ஒரு மிகப் பெரிய மரியாதையை ஏற்படுத்தித் தரும் அளவில் உருவாக உள்ளதாக படக் குழுவைச் சேர்ந்த சிலர் தெரிவிக்கிறார்கள்.