ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
கோவாவில் துவங்கிய சர்வதேச திரைப்பட விழாவில், இசையமைப்பாளர் இளையராஜாவுக்கு இந்தாண்டுக்கான நூற்றாண்டு விருது வழங்கி கவுரவிக்கப்பட்டது. கோவாவில், ஆண்டுதோறும் சர்வதேச திரைப்பட விழா நடப்பது வழக்கம். 46வது திரைப்பட விழா, கோவா தலைநகர் பானாஜியில், இன்று(நவ.20) கோலாகலமாக துவங்கியது. இன்று துவங்கிய இந்த விழா அடுத்த, 10 நாட்களுக்கு நடக்கிறது. இந்த விழாவில், 187 வெளிநாட்டு படங்களும், 47 இந்திய திரைப்படங்களும் திரையிடப்படுகின்றன.
இளையராஜாவுக்கு நூற்றாண்டு விருது : இசையில், இளையராஜா செய்த சாதனையை பெருமைப்படுத்தும் விதமாக, அவருக்கு இந்தாண்டுக்கான நூற்றாண்டு விருது வழங்கி கவுரவிக்கப்பட்டது. இதனை பாலிவுட் நடிகர் அனில் கபூர் மற்றும் மத்திய அமைச்சர் அருண் ஜெட்லி ஆகியோர் வழங்கினர்.
இசையை கட்டாய படமாக்க வேண்டும் : விழாவில் இளையராஜா பேசும்போது... மத்திய அரசுக்கு ஒரு வேண்டுகோள் விடுத்தார். அதில் பள்ளி மற்றும் கல்லூரிகளில் இசையை கட்டாயம் பாடமாக்க வேண்டும், அப்போது தான் வன்முறையை தடுக்க முடியும் என்று கூறினார்.
துவக்க விழாவின்முதல்நாளில் மேத்யூ பிரவுன் இயக்கிய, தி மேன் கூ நோ இன்பினிட்டி என்ற, ஆங்கில படம் வெளிநாட்டு படங்களுக்கான பிரிவில், முதல் படமாக திரையிடப்படுகிறது. இந்த படம், கணிதமேதை ராமானுஜத்தின் வாழ்க்கை வரலாறு பற்றியது. இந்திய படங்களுக்கான பிரிவில், ப்ரியமானஷம் என்ற சமஸ்கிருத படம் முதலில் திரையிடப்படுகிறது.
துவக்க விழாவில் பல்வேறு கலை நிகழ்ச்சிகள் நடந்தன. இன்றைய விழாவில் மத்திய அமைச்சர் அருண் ஜெட்லி, இந்தி நடிகர் அனில் கபூர் உள்ளிட்ட ஏகப்பட்ட திரை பிரபலங்களும் கலந்து கொண்டனர்.