Dinamalar

'ருத்ரமாதேவி' - முதல் நாள் வரவேற்பு எப்படி ?

'பாகுபலி' படத்தின் மாபெரும் வெற்றி, வசூலுக்குப் பிறகு தெலுங்குத் திரையுலகில் பலரும் எதிர்பார்த்த ஒரு திரைப்படம் 'ருத்ரமாதேவி'. தெலுங்கில் பல வெற்றிப் படங்களைக் கொடுத்த இயக்குனர் குணசேகர் இயக்கத்தில் அனுஷ்கா, ராணா டகுபதி, அல்லு அர்ஜுன், பிரகாஷ்ராஜ் மற்றும் பலர் நடித்துள்ள படம் இது. நேற்று தெலுங்கு பேசும் இரண்டு மாநிலங்களிலும், உலகம் முழுவதும் இப்படம் வெளியானது.

விமர்சன ரீதியாக படம் மிகச் சிறப்பாக இல்லை என்று சொல்லப்பட்டாலும் படத்தின் விஷுவல் காட்சிகளும், இளையராஜாவின் பின்னணி இசையும், அல்லு அர்ஜுனின் சிறப்புத் தோற்றமும் படத்தைத் தாங்கிப் பிடிப்பவையாக உள்ளது என்கிறார்கள். அதே சமயம் 'ருத்ரமாதேவி' என நாயகிக்கு முக்கியத்துவம் கொடுக்கப்பட்டுள்ள படத்தில் அல்லு அர்ஜுனின் கதாபாத்திரம் படத்தின் முதன்மைக் கதாபாத்திரமான 'ருத்ரமாதேவி'யின் முக்கியத்துவத்தைக் குறைத்து விடுகிறது என்ற குற்றச்சாட்டும் எழுந்துள்ளது.

'பாகுபலி' படத்தை இயக்கிய ராஜமௌலியும் 'ருத்ரமாதேவி'யைப் பற்றிப் பாராட்டிப் பேசியிருந்தாலும், படத்தின் திரைக்கதை முடங்கிப் போகும் சூழ்நிலை வரும் போது அல்லு அர்ஜுனின் வரவு படத்தைக் காப்பாற்றியுள்ளது என்ற ரீதியில் விமர்சித்துள்ளதும் குறிப்பிடப்படுகிறது. 'ருத்ரமாதேவி' பற்றி ராஜமௌலியின் கமெண்ட்டும் படத்திற்கு மைனசாக இருப்பதாகவே சிலர் கருதுகிறார்களாம். 'பாகுபலி' படத்தின் பட்ஜெட்டையும், 'ருத்ரமாதேவி' படத்தின் பட்ஜெட்டையும் ரசிகர்கள் கருத்தில் கொண்டு பார்க்க வேண்டும் என்று டோலிவிட்டிலிருந்து சிலர் குரல் எழுப்புகின்றனர்.

விமர்சனங்கள் பல விதங்களில் இருந்தாலும் நேற்று முதல் நாள் மட்டும் உலகம் முழுவதும் சுமார் 20 கோடி வரை வசூலித்திருக்கும் என்கிறார்கள். தமிழில் 'ருத்ரமாதேவி' அடுத்த வாரம் 16ம் தேதி வெளியாக உள்ளது.

• இவரை பற்றி
• செய்திகள்
• ஆல்பம்
• வால் பேப்பர்கள்
• வீடியோ
• வந்த படங்கள்
• வரவிருக்கும் படங்கள்

• 
  அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு
• 
  14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன்
• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?

• 
  மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட ...
• 
  ஏழு தோல்வி படங்களுக்குப் பிறகு ஏப்., 26ல் வெற்றியை ருசிப்பாரா திலீப் ?
• 
  சொத்து மதிப்பை வெளியிட்ட பவன் கல்யாண்
• 
  'மஞ்சும்மேல் பாய்ஸ்' ஓடிடி உரிமை எவ்வளவு தெரியுமா?
• 
  பிளாஷ்பேக்: இசையிலும் சாதனை படைத்த ராஜ்குமார்