Dinamalar

20 படங்களுக்கு பாடல் எழுதுகிறார் வைரமுத்து

கவிஞர் வைரமுத்து தற்போது 20 படங்களுக்கு பாடல் எழுதி வருகிறார். இதில் சிறப்பு என்னவென்றால் 20 படங்களின் அனைத்து பாடல்களையும் அவரே எழுதுகிறார். கவிஞர் வைரமுத்து சில ஆண்டுகளுக்கு முன்பு ஒரு முடிவெடுத்த்தார். அதாவது எந்த படத்திற்கு பாட்டு எழுதினாலும் அதில் அனைத்து பாட்டையும் எழுதுவது என்பது முடிவு.

பாடல்களின் சூழலை மட்டும் கேட்டுவிட்டு அந்த சூழலுக்கு பாட்டு எழுதுவதை விட முழு கதையையும் கேட்டு அந்த கதைக்குள் இருந்து பாடல்கள் எழுதுவது சுலபமானது என்பதோடு நல்ல பாடல்கள் பிறக்கும் என்பது அவரது கருத்து. அந்த அடிப்படையில் அவர் அனைத்து பாடல்களையும் எழுதுகிறார் சமீபத்தில் வெளிவந்த மணிரத்னத்தின் ஓகே கண்மணி படத்தில் அனைத்தும் பாடல்களையும் அவரே எழுதியிருந்தார் ஒரே ஒரு பாடல் மட்டும் அவர் அமெரிக்கா சென்றிருந்தபோது மணிரத்னம் எழுதினார்.

தற்போது வைரமுத்து, விஜய்யின் புலி, கமலின் தூங்காவனம், சூர்யாவின் 24, விஷாலின் பாயும்புலி, கார்த்திக்கின் காஷ்மோரா, விக்ரம் பிரபுவின் வாகா, விஜய் சேதுபதியின் இடம் பொருள் ஏவல் உள்பட 20 படங்களுக்கு பாடல் எழுதுகிறார். தலைமுறை கடந்தும் தனது நட்சத்திர பாடலாசிரியர் இமேஜை தக்க வைத்துக் கொண்டிருக்கிறார் வைரமுத்து.

• 
  இந்தியாவில் 400 கோடி வசூல் கடந்த 'சாயரா'
• 
  பிரியதர்ஷன் படப்பிடிப்புக்காக கேரளாவில் முகாமிட்ட அக்ஷய் குமார் - சைப் ...
• 
  ‛சூ ப்ரம் சோ' கன்னட படத்தை ஹிந்தியில் ரீமேக் செய்ய விரும்பும் அஜய் ...
• 
  300 கோடி வசூல் கடந்தும் நஷ்டத்தை சந்திக்கும் 'வார் 2'
• 
  ஷாருக்கான் மகன் டைரக்ஷனில் சிறப்பு தோற்றத்தில் சல்மான்கான், ரன்வீர் சிங்

• 
  ரஜினியின் ‛கூலி' படத்தின் பத்து நாள் வசூல் வெளியானது!
• 
  பிளாஷ்பேக்: அபூர்வ கலைப் படைப்பாக வந்து, ஆச்சர்யமிகு வெற்றியைப் பதிவு ...
• 
  ‛பாகுபலி தி எபிக்' படம் குறித்து ராஜமவுலி வெளியிட்ட தகவல்!
• 
  சிவகார்த்திகேயனின் ‛மதராஸி' படத்தின் தியேட்டர் உரிமை குறித்த தகவல் ...
• 
  63வது பிறந்த நாளை கொண்டாடிய ராதிகா!