இளையராஜா எல்லோருக்கும் மேலானவர் இல்லை : ஐகோர்ட் கருத்து | இசை ஆல்பத்தில் அஞ்சு குரியன் | ‛ஜெயிலர் 2' பற்றி வசந்த் ரவி பகிர்ந்த தகவல் | சர்வதேச விருது பட்டியலில் சண்டை இயக்குனர் அனல் அரசு | அமிதாப், ஏ.ஆர்.ரஹ்மானுக்கு லதா மங்கேஷ்கர் விருது | லிங்குசாமிக்கு கொடுத்த வாக்கை காப்பாற்றாத கமல் | வீர தீர சூரன் - 'டிராப்' ஆன படத்தின் பெயரில் 'விக்ரம் 62' | 'புஷ்பா 2' - ஹிந்தி உரிமை இவ்வளவு விலையா? | ரூ.5 கோடி தாண்டாத தமிழ்ப் படங்கள் : ரூ.50 கோடியைக் கடந்த மலையாளப் படங்கள் | வீர தீர சூரனாக மாறிய விக்ரம் |
விஜய் இயக்கத்தில் விக்ரம் பிரபு, கீர்த்தி சுரேஷ் மற்றும் பலர் நடித்துள்ள 'இது என்ன மாயம்' வரும் வெள்ளிக்கிழமை வெளியாக உள்ளது. படத்தின் விளம்பரத்தைப் பார்க்கும் போது இது எதோ மேஜிக் சம்பந்தப்பட்ட படமாகவே தெரிந்தது. ஆனால், படத்தில் முழுக்க முழுக்க காதலைத்தான் 'மாயம்' என்று சொல்லியிருக்கிறாராம் இயக்குனர் விஜய்.
“இந்தப் படம் ஒவ்வொருவருக்கும் அவர்களுடைய பிரிந்து போன காதலியைக் கண்டிப்பாக நினைக்க வைக்கும். ஆரம்பம் முதல் கடைசி வரை ரசனையான காதலைத்தான் படத்தில் சொல்லியிருக்கிறோம். ஆனால், விளம்பரங்களில் இது வேறு மாதிரியான படம் போன்ற தோற்றத்தை ஏற்படுத்தியுள்ளதாக சிலர் சொல்கிறார்கள். அது தயாரிப்பாளரின் விருப்பம், நாளை முதல் இது காதல் படம்தான் என்று புரியுமளவிற்கு புதிய டிரைலரை வெளியிட உள்ளோம்.
ஐந்தாறு வருடங்கள் கழித்து பிரிந்து போன தன் காதலியை மீண்டும் சந்திக்கும் சந்தர்ப்பம் நாயகனுக்குக் கிடைக்கிறது. காதலர்களாக இருந்தவர்கள் ஏன் பிரிந்தார்கள், அவர்கள் மீண்டும் ஒன்று சேர்வார்களா என்பதைத்தான் இந்தப் படத்தில் கொடுத்திருக்கிறேன். படத்தில் உள்ள ஒவ்வொரு காட்சியும் காதலைப் பிடிக்கும் அனைவருக்கும் பிடிக்கும்,” என்கிறார் இயக்குனர் விஜய்.
வெவ்வேறு பண்பலை வானொலிகளில் ஆர்.ஜேக்களாக பணி புரியும், ஆர்.ஜே. பாலாஜி, பாலாஜி, அஜய் இந்தப் படத்தில் நண்பர்களாக இணைந்து நடித்துள்ளார்களாம். உள்ளத்தை நெகிழ வைக்கும் காதல் படத்தைப் பார்த்து நீண்ட நாட்களாகிவிட்டது என்று யோசிப்பவர்களுக்கு இந்தப் படம் ஒரு 'மேஜிக்'கைத் தரும் என்கிறார் இயக்குனர்.