ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
விஜய் நடித்த பிரண்ட்ஸ், காவலன், சச்சின், வில்லு உள்பட பல படங்களில் முக்கிய காமெடியனாக நடித்தவர் வடிவேலு. அப்படி அவர்கள் இணைந்து நடித்த படங்களில் காமெடி பெரிய அளவில் ஒர்க்அவுட் ஆனது. ஆனால், சமீபகாலமாக காமெடியனாக நடிப்பதில்லை என்று கூறி வந்த வடிவேலு, தெனாலிராமன் படத்தை அடுத்து எலி படத்தில் தற்போது நடித்திருப்பவர், சமீபத்தில் அப்படத்தின் பிரஸ்மீட் நடந்தபோது, வெயிட்டான காமெடியன் ரோல் கிடைத்தால் ஹீரோவாக நடித்துக்கொண்டே காமெடியனாகவும் நடிப்பேன் என்று கூறினார்.
அதையடுத்து, அட்லி இயக்கத்தில் விஜய் நடிக்கும் புதிய படத்தில் படம் முழுக்க விஜய்யுடன் வருவது போன்ற காமெடியனாக நடிக்க வடிவேலுவை அழைத்தார்களாம். ஆனால், அப்படி நடிப்பதற்கு வடிவேலு கேட்ட சம்பளம் அவர்களுக்கு பெரிய அதிர்ச்சியாக இருந்ததாம். தனது மார்க்கெட் உச்சத்தில் இருந்தபோது கேட்டதை விடவும் அதிகமாக கேட்டாராம் வடிவேலு. அதனால் வடிவேலுவே வேண்டாம் என்று முடிவு செய்து விட்டவர்கள், விஜய்யுடன் காமெடியனாக நடிக்க வேறு சில நடிகர்களிடம் பேசி வருகின்றனர்.
ஏற்கனவே ரஜினி நடித்த லிங்கா படத்தில் நடிப்பதற்கும் வடிவேலு பெரிய சம்பளம் கேட்டதால்தான் அவருக்கு பதிலாக அந்த படத்தில் சந்தானத்தை நடிக்க வைத்தனர் என்று ஒரு செய்தி வௌியானது குறிப்பித்தக்கது.