ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
"வள்ளி" படத்தின் மூலம் அறிமுகமான நடிகர் அலெக்ஸ், மிட்டாமிராசு, கோவில்பட்டி வீரலெட்சுமி உள்ளிட்ட பல படங்களில் நடித்துள்ளார். வில்லன், குணசித்தர நடிகர் என்று மாறுபட்ட வேடங்களில் நடித்த அலெக்ஸ் தமிழக அரசின் சிறந்த வில்லன் மற்றும் குணசித்திர நடிகர் விருது பெற்றுள்ளார்.
இதுதவிர சிறந்த மேஜிக்மேனாக திகழ்ந்த அலெக்ஸ், 24மணிநேரம் தொடர்ந்து மேஜிக்ஷோ நடத்தி உலக கின்னஸ் சாதனை புத்தகத்தில் இடம் பெற்றார். இதேபோல் லிம்கா சாதனை புத்தகத்திலும் இடம்பிடித்துள்ளார். இவருடைய சாதனையை பாராட்டி ஏற்கனவே, அமெரிக்க பல்கலைக்கழகம் டாக்டர் பட்டம் வழங்கி கவுரவித்துள்ளது.
நடிப்பு, மேஜிக் மட்டுமல்லாது கரகாட்டம், மயிலாட்டம், சிலம்பம், மல்யுத்தம், நாடகம், நாட்டியநாடகம் என்று பல துறைகளில் சாதனை படைத்துவரும் அலெக்சுக்கு மேலும் கவுரவம் கிடைத்திருக்கிறது. ஐயக்கிய அரபு எமிரேட்டில் உள்ள அபுதாபியில் அவருக்கு செவாலியே விருது வழங்கப்பட்டுள்ளது. லெபனான் நாட்டை சேர்ந்த டாக்டர் ரெமி ஹமாடெக் விருதை வழங்கினார். இவ்விழாவில் ஐயக்கி அரபு எமிரேட்டின் தமிழ்ச்சங்க தலைவர் ரவிமாறன், நீதியரசர் ஏ.குலசேகரன், உள்ளிட்ட பலர் கலந்து கொண்டனர்.
செவாலியே விருது பெற்று சென்னை திரும்பிய அலெக்சுக்கு, தென்னிந்திய திரைப்பட பத்திரிகை தொடர்பாளர் யூனியன் தலைவர் விஜயமுரளி சால்வை அணித்து வாழ்த்து தெரிவித்தார்.