ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
தமிழ் சினிமாவின் மிக முக்கிய அடையாளங்களில் ஒன்றான சாந்தி தியேட்டர் இடிக்கப்பட்டு அங்கு புதிய வணிக வளாகத்துடன் கூடிய மால் தியேட்டர் கட்டப்பட இருப்பதாக கூறப்படுகிறது.
சென்னை சாந்தி தியேட்டர் 1961ம் ஆண்டு கட்டப்பட்டது. கட்டிய மறு ஆண்டே அதனை ஆனந்த் தியேட்டர் உரிமையாளர் ஜி.உமாபதியிடமிருந்து சிவாஜி வாங்கினார். அதன் பிறகு சிவாஜி நடித்த படங்கள் மட்டும் திரையிடப்பட்டது. சிவாஜி சினிமாவில் நடிப்பதை குறைத்த உடன் மற்ற படங்கள் திரையிடப்பட்டது. பிரபு நடித்த படங்கள் சிவாஜி பிலிம்ஸ் தயாரிக்கும் படங்கள். தற்போது விக்ரம் பிரபு நடிக்கும் படங்கள் திரையிடப்பட்டு வருகிறது. ரஜினி நடித்த சந்திரமுகி படம் 800 நாட்களை தாண்டி ஓடியதும், சிவாஜி நடித்த திரிசூலம் ஒரு வருடம் தாண்டி ஓடியதும் சாந்தி தியேட்டரில்தான்.
ஒரு காலத்தில் வெளியூரில் இருந்து சென்னை வரும் ரசிகர்களுக்கு சிவாஜியின் சாந்தி தியேட்டர் ஒரு டூரிஸ்ட் ஸ்பாட்டாக இருந்தது. காலத்துக்கு ஏற்ப தியேட்டரில் பல மாற்றங்கள் கொண்டு வரப்பட்டது. குளிர்பதன வசதி, நவீன ஆடியோ சிஸ்டம், சொகுசு இருக்கைகள் எடுப்பான முகப்பு தோற்றம் என பல மாற்றம் கண்டது சாந்தி தியேட்டர். கடந்த சில ஆண்டுகளுக்கு முன்பு தியேட்டரை இரண்டாக பிரித்து சாய் சாந்தி தியேட்டர் உருவாக்கப்பட்டது.
இந்த நிலையில் சாந்தி தியேட்டர் இடிக்கப்பட்டு அங்கு எல்லா பொருட்களும் கிடைக்கும் வணிக வளாகமாவும், அதற்குள் குறைந்த இருக்கைகள் கொண்ட 4 மினி தியேட்டர்களும் கட்டப்பட இருப்பதாக கூறப்படுகிறது. இதற்கான பணிகள் நடந்து வருவதாக கூறப்படுகிறது. "புதிய வணிக வளாகம் கட்டப்பட்டாலும் தியேட்டருக்கு சாந்தி என்ற பெயரே நீடிக்கும். ஒட்டுமொத்த வளாகத்திற்கு சிவாஜி பெயர் வைக்கப்படும்" என்று தியேட்டர் வட்டார தகவல்கள் தெரிவிக்கிறது. இதுபற்றி சிவாஜி குடும்பத்தார் இதுவரை எதுவும் தெரிவிக்கவில்லை.