அடை மழையிலும் நாளை 8 படங்கள் ரிலீஸ்

13 நவ, 2014 - 01:45 IST

0 கருத்துகள் கருத்தைப் பதிவு செய்ய

எழுத்தின் அளவு:

தமிழ்நாடு முழுவதும் அடைமழை பெய்து கொண்டிருக்கிறது. அப்படி இருந்தும் நாளை (நவ 14) 8 படங்கள் ரிலீசாகிறது. நாளை ரிலீசாகும் திருடன் போலீஸ், அப்புச்சி கிராமம், புலிப்பார்வை, ஞானகிறுக்கன், முறுகாற்றுப்படை, விலாசம் போன்ற படங்கள் மீடியம் பட்ஜெட் படங்கள். அன்பென்றாலே அம்மா, சிறு முதலீட்டு படம். உளவுக்கன்னி - ஆங்கிலப் படம்.

அட்டகத்தி தினேஷ், ஐஸ்வர்யா நடித்திருக்கும் திருடன் போலீஸ் அப்பா மகன் உறவை சொல்லும் படம். புலிபார்வை இலங்கை போரில் கொல்லப்பட்ட விடுதலைபுலிகளின் தலைவர் பிரபாகரனின் மகன் பாலச்சந்திரன் கதை. உலகம் அழியப்போவதாக நினைத்துக் கொண்டு ஒரு கிராமத்தில் நடக்கும் கலாட்டாக்கள் அப்புச்சி கிராமத்தின் கதை. அநாதையாக பிறந்த ஒருவன் தன் பெற்றோரை தேடிச் செல்வது விலாசத்தின் கதை, கிராமத்தில் வறுமை காரணமாக சென்னைக்கு வந்து இங்கும் வாழ போராடும் இளைஞனின் கதை ஞானக்கிறுக்கன், ரியல் எஸ்டேட் தாதாக்களின் கதை முறுகாற்றுப்படை.

எல்லா படங்களுமே சராசரியாக 50லிருந்து 100 தியேட்டர்கள் வரை ரிலீசாகிறது. அன்பென்றாலே அம்மா என்ற படம் மட்டும் திருநெல்வேலி, நாகர்கோவில், செங்கோட்டை, முக்கூடல் ஆகிய இடங்களில் தலா ஒரு தியேட்டரில் ரிலீசாகிறது.

அடைமழை பெய்தாலும் இப்படி ரிலீஸ் மழை பொழியக் காரணம் லிங்கா. சூப்பர் ஸ்டாரின் லிங்கா டிசம்பர் 12 வெளிவருவது கிட்டத்தட்ட உறுதியாகிவிட்டது. அடுத்து பொங்கலுக்கு கமல் படங்களில் ஒன்று கட்டாயம் ரிலீசாகும். எனவே சிறு பட்ஜெட் படங்கள் இந்த நேரத்தை தவிர விட்டால் பிப்ரவரி மாதமே வெளியிட முடியும். அதனால்தான் வரிசை கட்டி படங்கள் ரிலீசாகிறது.

Thirudan police

Pulipaarvai

Appuchi Gramam

திருடன் போலீஸ்

புலிப்பார்வை

அப்புச்சி கிராமம்

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய