ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
பாரதிராஜா இயக்கத்தில் கமல்ஹாசன், ஸ்ரீதேவி நடித்து 1978ல் வெளிவந்த சூப்பர் ஹிட் படம் 'சிகப்பு ரோஜாக்கள்'. இப்படத்தை பாரதிராஜாவின் மகன் மனோஜ் பாரதி ரீமேக் செய்து இயக்க உள்ளாராம். இந்தப் படத்தில்தான் ஸ்ரீதேவி நடித்துள்ள கதாபாத்திரத்தில் ஸ்ருதிஹாசன் நடிக்கப் போவதாக தகவல்கள் வெளியாகியுள்ளது.
கமல்ஹாசன் கதாபாத்திரத்தில் இயக்குனர் பி.வாசுவின் மகன் சக்தி நடிக்க உள்ளாராம். மனோஜ் பாரதி சில படங்களில் நாயகனாகவும், சில படங்களில் வில்லனாகவும் நடித்தார். சமீபத்தில் அப்பா பாரதிராஜா இயக்கத்தில் வந்த 'அன்னக்கொடி' படத்தில் கூட வில்லனாக நடித்தார். ஆனால், அவரால் ஒரு நடிகராக பெரிதாக ஜொலிக்க முடியவில்லை. அவர் நடிக்க வருவதற்கு முன் இயக்குனர் மணிரத்னத்திடம் சில காலம் உதவியாளராகப் பணியாற்றினார்.
நீண்ட நாட்களாகவே ஒரு படத்தை இயக்க வேண்டும் என்று காத்துக் கொண்டிருந்தாராம். தற்போது மாபெரும் வெற்றி பெற்ற அப்பாவின் படத்தையே ரீமேக் செய்யலாம் என முடிவெடுத்துள்ளாராம். இன்றைய காலத்திற்கும் பொருத்தமான படமாக இருக்கும் 'சிகப்பு ரோஜாக்கள்' படத்தை ரீமேக் செய்தால் நன்றாக இருக்கும் என்று அதற்கான வேலைகளில் இறங்கியுள்ளாராம். கமல்ஹாசனுக்கு ஒரு பெரிய திருப்பு முனையை ஏற்படுத்திக் கொடுத்த '16 வயதினிலே' படத்தை இயக்கிய பாரதிராஜாவின் மகன் என்பதால் ஸ்ருதிஹாசனும் நடிக்க சம்மதிப்பார் என்று எதிர்பார்க்கிறார்களாம். இயக்குனராகவாவது மனோஜ் பாரதி ஜெயிக்கட்டும்.