Dinamalar

விமல் நடிப்பில் "போகுமிடம் வெகு தூரமில்லை"

நடிகர்கள் விமல் மற்றும் கருணாஸ் முதன்மை வேடத்தில் நடித்துள்ள படம் "போகுமிடம் வெகு தூரமில்லை". அறிமுக இயக்குநர் மைக்கேல் கே ராஜா இயக்க, ஷார்க் 9 பிக்சர்ஸ் சார்பில் சிவா கிலாரி தயாரிக்கிறார். மேரி ரிக்கெட்ஸ், ஆடுகளம் நரேன், மனோஜ்குமார், பவன், அருள்தாஸ், தீபா சங்கர், சார்லஸ் வினோத், வேல ராமமூர்த்தி ஆகியோர் இணைந்து நடித்துள்ளனர்.

இறந்தவர்களின் உடல்களை எடுத்துச் செல்லும் மார்ச்சுவரி வேன் ஓட்டும் நாயகன் விமல், தனது அவசரப் பணத்தேவைக்காக, திருநெல்வேலி வரை ஒரு முக்கியமானவரின் உடலை எடுத்துச் செல்கிறார். சென்னையிலிருந்து திருநெல்வேலிக்கு உடலை எடுத்துச் செல்லும் பயணம் தான் இந்த படத்தின் மையம். அந்தப் பயணத்தில் அவர் சந்திக்கும் மனிதர்கள், அவருக்கு ஏற்படும் அனுபவங்கள் மற்றும் தடங்கல்களை தாண்டி அவர் எப்படிச் சென்றடைகிறார் என்பது தான் இப்படத்தின் கதை.

வழக்கமான கமர்சியல் அம்சங்களில் இருந்து மாறுபட்டு ஒரு வித்தியாசமான கதை களத்தில் இந்தப்படம் தயாராகிறது. இதன் முதல் பார்வை போஸ்டரை இயக்குனர் வெற்றிமாறன் வெளியிட்டார். படப்பிடிப்பு முடிந்து போஸ்ட் புரொடக்ஷன் பணிகள் நடக்கின்றன. படத்தின் டீசர், டிரைலர் மற்றும் இசை வெளியீடு குறித்த அறிவிப்புகள் விரைவில் அதிகாரப்பூர்வமாக அறிவிக்கப்படும்.

• 
  மே 31ல் ரிலீஸாகும் ‛மல்ஹர்' திரைப்படம்
• 
  எலெக்ஷனால் தள்ளிப்போகும் 'எமெர்ஜென்சி'
• 
  கையில் கட்டுடன் கேன்ஸ் புறப்பட்ட ஐஸ்வர்யா ராய்
• 
  கங்கனா ரணாவத் சொத்து மதிப்பு எவ்வளவு?
• 
  சரோஜினி நாயுடுவாக நடிக்கும் மலிஷ்கா

• 
  அஜித்தின் ‛குட் பேட் அக்லி' முதல் பார்வை வெளியீடு - எதிர்பாராததை ...
• 
  விஜய், தனுஷை தொடர்ந்து சிவகார்த்திகேயனுக்கு ஜோடியாகும் ராஷ்மிகா
• 
  தீபாவளியை குறிவைக்கும் கங்குவா படக்குழு
• 
  ஸ்ரீ கணேஷ் இயக்கத்தில் சித்தார்த்
• 
  வளரும் நடிகர் பட்டியலில் இணைந்த கவின்