ராயன் : தனுஷ் பாடிய ‛அடங்காத அசுரன்' பாடல் வெளியீடு | விஜயகாந்த்திற்கு பத்மபூஷண் விருது : மனைவி பிரேமலதா பெற்றார் | சல்மான்கானுக்கு ஜோடியாகும் ராஷ்மிகா மந்தனா | மேஜையை கண்டு பொறாமைப்பட்ட கமல் | பிறந்தநாளில் மதுரையில் பிரம்மாண்ட மாநாடு நடத்தும் விஜய்? | தெலுங்கில் ரீ-ரிலீஸ் ஆகும் விக்ரமின் அந்நியன் | மம்முட்டிக்கு கொடுக்கப்பட்ட எக்ஸ்ட்ரா பவர் | படம் வெளியாவதற்கு முன்பே மறைந்த சங்கீத் சிவன் | மஞ்சும்மேல் பாய்ஸ் படத்தில் சொல்லப்பட்டது உண்மையா? - விசாரிக்க தமிழக அரசு உத்தரவு | அந்த மூணு சர்ப்ரைஸை தயவு செய்து சொல்லாதீங்க : இளன் வேண்டுகோள் |
தமிழ், தெலுங்கை போலவே மலையாளத்திலும் பிக்பாஸ் நிகழ்ச்சிக்கு மிகப்பெரிய வரவேற்பு கிடைத்து வருகிறது. அந்த வகையில் இந்த வருடம் மலையாள பிக்பாஸ் சீசன் 6 நிகழ்ச்சி நேற்று துவக்க விழாவுடன் துவங்கியுள்ளது. இந்த 6வது சீசனையும் மோகன்லாலே தொகுத்து வழங்குகிறார். நிகழ்ச்சி துவங்கும் நாள் வரை இதில் கலந்து கொள்ளும் போட்டியாளர்கள் யார் என்கிற சஸ்பென்ஸை பிக்பாஸ் குழுவினர் கடைசிவரை கட்டிக் காத்தனர்.
இந்த நிலையில் இதில் கலந்து கொண்டுள்ள 17 பேர் கொண்ட போட்டியாளர்களில் மிகவும் பிரபலமானவர் என்றால் நடிகை அன்சிபா ஹாசன் தான். ஆம் ஜீத்து ஜோசப் - மோகன்லால் கூட்டணியில் வெளியாகி மிகப்பெரிய வெற்றியைப் பெற்ற திரிஷ்யம் படத்தில் மோகன்லாலின் மூத்த மகளாக நடித்தவர் தான் இந்த அன்சிபா ஹாசன். திரிஷ்யம் படத்தின் இரண்டு பாகங்கள் மூலம் பெரிய அளவில் பிரபலம் ஆனாலும் கூட சொல்லிக் கொள்ளும்படியான பட வாய்ப்புகள் இவருக்கு அமையவில்லை. தற்போது துபாயில் ரேடியோ ஜாக்கியாக பணியாற்றி வருகிறார். இந்த நிலையில் தான் பிக்பாஸ் போட்டியாளராக கலந்து கொண்டுள்ளார் அன்சிபா ஹாசன்.