Dinamalar

3 மணிநேரம் ஓடும் விதமாக உருவாகியுள்ள வினித் சீனிவாசன் படம்

மலையாள திரை உலகில் பிரபல குணச்சித்திர மற்றும் காமெடி நடிகர் சீனிவாசனின் வாரிசாக திரையுலகில் அறிமுகமானவர் இயக்குனர் வினீத் சீனிவாசன். ஆனால் தனது திறமையால் சிறந்த இயக்குனராகவும் சிறந்த நடிகராகவும் வெற்றிகரமாக இரட்டைக் குதிரை சவாரி செய்து வருகிறார். கடந்த இரண்டு வருடங்களுக்கு முன்பு மோகன்லாலின் மகன் பிரணவ் நடிப்பில் 'ஹிருதயம்' என்கிற சூப்பர் ஹிட் படத்தை கொடுத்தார் வினித் சீனிவாசன். அதனைத் தொடர்ந்து தற்போது 'வருஷங்களுக்கு சேஷம்' என்கிற படத்தை இயக்கி வருகிறார்.

இதிலும் பிரணவ் தான் கதாநாயகனாக நடிக்கிறார். வினீத் சீனிவாசனின் ஆஸ்தான ஹீரோவான நிவின்பாலியும் இதில் முக்கிய கதாபாத்திரத்தில் நடித்துள்ளார்.. கதாநாயகியாக கல்யாணி பிரியதர்ஷன் நடிக்கிறார். இந்த படம் வரும் ஏப்ரல் 11ஆம் தேதி வெளியாக இருப்பதை தொடர்ந்து இதன் போஸ்ட் புரொடக்ஷன் பணிகள் விறுவிறுப்பாக நடைபெற்று வருகின்றன. இந்த நிலையில் இந்த படம் விரைவில் சென்சாருக்கு அனுப்பப்பட இருக்கிறது.

மேலும் மொத்தம் மூன்று மணி நேரம் ஓடும் விதமாக இந்தப்படம் உருவாகி இருப்பதாக படக்குழுவில் இருந்து ஒரு தகவல் கசிந்துள்ளது. மலையாளத்தில் பெரும்பாலும் இரண்டரை மணி நேரம் மட்டுமே ஓடும் விதமாக படங்கள் வெளியாகி வரும் வேளையில் மிகப்பெரிய நட்சத்திர கூட்டணி இருப்பதாலும் கதைக்கு தேவைப்படுவதாலும் துணிந்து மூன்று மணி நேர படமாக இதை ரிலீஸ் செய்கிறாராம் வினீத் சீனிவாசன்.

• 
  ஹிந்தியில் மீண்டும் தடம் பதிப்பாரா தனுஷ்?
• 
  சினிமா டூ அரசியல் : பாலிவுட்டின் ‛ஹீ மேன்' தர்மேந்திராவின் வாழ்க்கை ...
• 
  ஹிந்தி நடிகர் தர்மேந்திரா காலமானார்
• 
  4 வருடங்களுக்கு பிறகு வெளியானது 'பேமிலி மேன் 3'
• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...

• 
  தெலுங்கு படமாக இருந்தாலும் கன்னடத்துக்கு முக்கியத்துவம் வேண்டும் : ...
• 
  பிரித்விராஜ் படத்தை ஓவர்டேக் செய்யும் சிறிய நடிகரின் படம்
• 
  சிறையில் இருக்கும் நிலையில் நடிகர் தர்ஷினின் பட ரிலீஸ் தேதி அறிவிப்பு
• 
  வெகுளித்தனமாக பதில் சொல்லி குஞ்சாக்கோ போபனுக்கு சங்கடத்தை கொண்டு வந்த ...
• 
  விடாப்பிடியாக நின்று மோகன்லாலை சந்தித்த 80 வயது ரசிகை