Dinamalar

திரிஷ்யம் ஹாலிவுட் ரீமேக் சர்ச்சை : விவாதத்தை முடித்து வைத்த ஜீத்து ஜோசப்

மலையாளத்தில் இயக்குனர் ஜீத்து ஜோசப் டைரக்ஷனில் மோகன்லால் நடிப்பில் கடந்த பத்து வருடங்களுக்கு முன்பு வெளியான திரிஷ்யம் படமும் கடந்த மூன்று வருடங்களுக்கு முன்பு அதன் இரண்டாம் பாகமான வெளியான திரிஷ்யம் 2 படமும் சரிசமமான அளவில் மிகப்பெரிய வெற்றியை பெற்றன. இதில் முதல் பாகம் தென்னிந்திய மொழிகள் மற்றும் ஹிந்தி, சீன மொழிகளிலும் ரீமேக் செய்யப்பட்டது. இரண்டாம் பாகம் தெலுங்கு மற்றும் ஹிந்தியில் ரீமேக் செய்யப்பட்டது.

ஹிந்தியில் அஜய் தேவ்கன் நடிப்பில் வெளியான இப்படத்தின் முதல் பாகம் பெரிய வெற்றியைப் பெறவில்லை. ஆனால் இரண்டாம் பாகம் மிகப்பெரிய வெற்றியை பெற்றது. இந்த நிலையில் ஹாலிவுட்டை சேர்ந்த பனோரமா ஸ்டுடியோஸ் என்கிற நிறுவனம் இந்தப் படத்தை ஆங்கிலம், ஸ்பானிஷ், கொரியன் உள்ளிட்ட 10 மொழிகளில் ரீமேக் செய்து வெளியிடும் உரிமையை பெற்றுள்ளது.

இதனைத் தொடர்ந்து பாலிவுட்டை சேர்ந்த பலரும் ஹிந்தியில் வெளியான திரிஷ்யம் படத்திற்கு கிடைத்த பெருமை தான் இது என்பது போல பேசி வருகின்றனர். ஆனால் ஒரிஜினல் திரிஷ்யம் ரசிகர்கள் இது ஜீத்து ஜோசப், மோகன்லாலுக்கான படம்.. அதை மறைக்க முடியாது என்று சோசியல் மீடியாவில் விவாதத்தை தொடங்கியுள்ளனர்.

இந்த நிலையில் இது குறித்து விளக்கம் அளித்துள்ள ஜீத்து ஜோசப், “என்னுடைய உருவாக்கத்தில் உருவான ஒரு படம் ஹாலிவுட்டிலும் ரீமேக் ஆகிறது என்பது ஒரு இயக்குனராக எனக்கு மிகவும் பெருமை தான்.. காரணம் இதன் கதை யுனிவர்சல் அம்சம் கொண்டது. ஒரு கிரைம் த்ரில்லர் என்பதை விட ஒரு குடும்பத்தின் அன்பு மற்றும் பாதுகாப்பை பற்றிய கதை என்பதால் தான் வெவ்வேறு மொழிகளில் உள்ள ரசிகர்களும் இதை தங்களுடன் பொருத்திப் பார்த்துக் கொள்கின்றனர்.

ஹிந்தியில் வெளியாகும் சில படங்கள் மலையாளம் உள்ளிட்ட மற்ற மொழிகளில் ரீமேக் செய்யப்பட்டு வெளியாகும் போது சில நேரங்களில் ஒரிஜினலை விட அதிக வரவேற்பை பெற்றது உண்டு. இருந்தாலும் இந்த படத்தை பார்த்து ரசித்தவர்களுக்கு இதன் ஒரிஜினல் படமானது மோகன்லால் நடிப்பில் என்னுடைய இயக்கத்தில் உருவானது என்பது நன்றாகவே தெரியும்” என்று கூறி இந்த விவாதத்திற்கு ஒரு முற்றுப்புள்ளி வைத்துள்ளார்.

• 
  பய்யா ஜி: மனோஜ் பாஜ்பாயின் 100வது படம்
• 
  சல்மான்கானுக்கு ஜோடியாகும் ராஷ்மிகா மந்தனா
• 
  தீபிகா படுகோனேவை பிரிகிறாரா ரன்வீர் சிங் : பாலிவுட்டில் பரபரப்பு
• 
  அமிதாப் பச்சனுக்கு அடுத்து எனக்கு தான் : கங்கனா பெருமிதம்
• 
  ‛டிராவல் ஏஜென்ட்' படத்தை துவக்கி வைத்து ஹீரோவை அறிமுகம் செய்த ...

• 
  கல்கி கன்னட உரிமையை கைப்பற்றிய யஷ் பட நிறுவனம்
• 
  பிரபாஸ் ஒதுக்கிய வாய்ப்பால் கிடுகிடு வளர்ச்சி அடைந்த அல்லு அர்ஜுன்
• 
  மம்முட்டிக்கு கொடுக்கப்பட்ட எக்ஸ்ட்ரா பவர்
• 
  படம் வெளியாவதற்கு முன்பே மறைந்த சங்கீத் சிவன்
• 
  மலையாள இயக்குனர் சங்கீத் சிவன் காலமானார்