Dinamalar

171வது படத்தில் இளமையாக தோன்றும் ரஜினிகாந்த்

வெங்கட் பிரபு இயக்கி வரும் ‛கோட்' படத்தில் 50 வயது மற்றும் 25 வயது என இரண்டு விதமான வேடங்களில் நடித்து வருகிறார் விஜய். இதில் அவர் இளமையாக நடிக்கும் வேடம் ‛டீ ஏஜிங் டெக்னாலஜி' மூலம் வடிவமைக்கப்பட்டுள்ளது. இதற்காகத்தான் அப்படத்தின் படப்பிடிப்பு தொடங்குவதற்கு முன்பு அமெரிக்கா சென்றிருந்தார் விஜய்.

இந்த நிலையில் ‛வேட்டையன்' படத்தை அடுத்து லோகேஷ் கனகராஜ் இயக்கும் தனது 171வது படத்தில் ரஜினியும் இளமையான வேடத்தில் நடிக்கப் போகிறாராம். அதனால் இந்த படத்திலும் டீ ஏஜிங் டெக்னாலஜியை பயன்படுத்த போகிறார் லோகேஷ் கனகராஜ். அதனால் அப்படத்தின் படப்பிடிப்பு தொடங்குவதற்கு முன்பு ரஜினியும் லோகேஷ் கனகராஜும் அமெரிக்கா செல்வார்கள் என்று கூறப்படுகிறது.

மேலும் இந்த படத்தில் ரஜினி ஒரே வேடத்தில்தான் நடிக்கிறாரா? இல்லை இரண்டு வேடங்களில் நடிக்கிறாரா என்பது தெரியவில்லை. வருகிற ஏப்ரல் மாதம் இப்படத்தின் படப்பிடிப்பு தொடங்குகிறது.

• இவரை பற்றி
• செய்திகள்
• ஆல்பம்