Dinamalar

கடின உழைப்பும், விடாமுயற்சியுமே முன்னேற்றும்: சாண்டி

லியோ திரைப்படத்தில் "சாக்லேட் காபி... சாக்லேட் காபி...." என்ற குரலுக்கு சொந்தக்காரர். சில காட்சிகளிலே வந்தாலும், ரசிகர்களின் பாராட்டு மழையில் நனைந்தவர். சைக்கோ வில்லன் கதாபாத்திரத்தில் கலக்கிய இவர் 'பத்தல பத்தல' உள்ளிட்ட பல பாடல்களின் நடன இயக்குனர். சாண்டி மாஸ்டர் என அழைக்கப்படும் இவர் தற்போது நடிகராகவும் கால் பதித்துள்ளார்.

தினமலர் வாசகர்களுக்காக கூறியது: பிறந்து வளர்ந்தது சென்னை. 3 வயதில் நடனம் மீது ஒரு ஈர்ப்பு. ஒரு நாள் நடன இயக்குனர் கலா மாஸ்டரிடம் குழு நடனம் ஆடும் வாய்ப்பு கிடைத்தது. அதன் பின் நீண்ட நாட்களாக அவரிடம் நடன பயிற்சி எடுத்து வந்தேன். மானாட மயிலாட தொலைக்காட்சி நடன நிகழ்ச்சியில் பங்கேற்றேன். பிருந்தா மாஸ்டரிடம் உதவி நடன இயக்குனராக வேலை செய்தேன்.

2014ல் 'ஆ' திரைப்படத்தில் நடன இயக்குனராக அறிமுகமானேன். பின் பல படங்களில் நடன இயக்கம் செய்தேன். காலாவில் ரஜினிக்கு நடன இயக்குனராக பணிபுரிந்ததை வாழ்நாளில் மறக்க மாட்டேன். கமல், கார்த்தி, சிம்பு என முன்னணி நடிகர்களுக்கும் நடன இயக்கம் செய்தேன்.

வாலு, கெத்து, சண்டக்கோழி 2, பரியேறும் பெருமாள், கெட்டவன்னு பேர் எடுத்த நல்லவன்டா என 50க்கும் மேற்பட்ட படங்களில் நடன இயக்குனராக பணிபுரிந்துள்ளேன். 2015ல் 'இவனுக்கு தண்ணீல கண்டம்' படத்தில் துணை கதாபாத்திரம், 2021ல் சந்துரு இயக்கத்தில் 3:33 படத்தில் முழுநீள கதாபாத்திரத்தில் நடித்தேன். இது ஓடிடி தளத்தில் வெளியானது. இன்டிபென்டட் கலைஞர்களின் ஆல்பம் பாடல்களுக்கும் நடன இயக்கம் செய்து நடித்தும் உள்ளேன்.

என்னை இன்றுவரை ஓட வைப்பது என் மனைவி சில்வியாவின் அன்பு தான். நடிகர் பிரபுதேவா எனது ரோல் மாடல். லியோவில் என் நடிப்பை பார்த்து இயக்குனர்கள் ரஞ்சித், லிங்குசாமி, பிரதீப் ரங்கநாதன் பாராட்டினர். சாக்லேட் காபி வசனத்திற்கு திரையரங்குகளில் கிடைத்த வரவேற்பு மகிழ்ச்சி அடைய செய்தது.

விஜய் உடன் நடித்த அனுபவம் அருமை. நாம் தயங்கினாலும், நம்மை உற்சாகப்படுத்தி நன்றாக நடிக்க வைப்பார். தொடர்ந்து நடிக்க வாய்ப்பு வந்தாலும், நடனம் இயக்குவதை விடமாட்டேன். இளைஞர்கள் கடினமாக உழையுங்கள். கடின உழைப்பும், விடாமுயற்சியுமே முன்னேற்றும், என்றார்.

• 
  எலெக்ஷனால் தள்ளிப்போகும் 'எமெர்ஜென்சி'
• 
  கையில் கட்டுடன் கேன்ஸ் புறப்பட்ட ஐஸ்வர்யா ராய்
• 
  கங்கனா ரணாவத் சொத்து மதிப்பு எவ்வளவு?
• 
  சரோஜினி நாயுடுவாக நடிக்கும் மலிஷ்கா
• 
  சல்மான்கான் மன்னிப்பு கேட்டால் பரிசீலனை செய்ய தயார் : பிஸ்னாய் சமூகம் ...

• 
  கமலின் தக் லைப் படத்தின் புதிய அப்டேட்
• 
  எல்லா படங்களுக்கும் கதாநாயகி அவசியம் இல்லை : நிகிலா விமல்
• 
  ரசிகர்கள் மத்தியில் பரபரப்பை ஏற்படுத்தி விட்ட பிரபாஸ்
• 
  மீண்டும் ஷாரூக்கான் படத்திற்கு இசையமைக்கும் அனிருத்
• 
  ஆளே இல்லாத நடிகர் சூர்யா வீட்டுக்கு பாதுகாப்பு : அமைச்சரின் ...