முதல் பாடல் மே 22ல், படம் ரிலீஸ் ஜூலை 12ல்: ஒரே போஸ்டரில் இரண்டு அப்டேட் வெளியிட்ட 'இந்தியன்-2' படக்குழு | ‛படையப்பா' ரீ-ரிலீஸாகிறது : ரஜினியை சந்தித்து பேசிய பிஎல் தேனப்பன் | அஜித்தின் ‛குட் பேட் அக்லி' முதல் பார்வை வெளியீடு - எதிர்பாராததை எதிர்பாருங்கள் | விஜய், தனுஷை தொடர்ந்து சிவகார்த்திகேயனுக்கு ஜோடியாகும் ராஷ்மிகா | தீபாவளியை குறிவைக்கும் கங்குவா படக்குழு | ஸ்ரீ கணேஷ் இயக்கத்தில் சித்தார்த் | ராஜமவுலி - மகேஷ்பாபு பட தயாரிப்பு நிறுவனம் வெளியிட்ட திடீர் அறிவிப்பு | வளரும் நடிகர் பட்டியலில் இணைந்த கவின் | மிஸ்டர் அண்ட் மிஸஸ் படத்தில் ஜோடி சேரும் ராபர்ட் மாஸ்டர் - வனிதா விஜயகுமார் | ஆரம்பமே ஹீரோயின் : அசத்தும் தேஜூ அஸ்வினி |
அட்லீ இயக்கத்தில் ஷாரூக்கான் நடிப்பில் ஹிந்தியில் உருவாகியுள்ள படம் ஜவான். நயன்தாரா கதாநாயகியாக, விஜய்சேதுபதி வில்லனாக நடித்துள்ள இந்தப் படம் வரும் செப்டம்பர் 7ஆம் தேதி வெளியாக இருக்கிறது. தமிழ் நட்சத்திரங்கள் அதிகம் இந்த படத்தில் இருப்பதால் கிட்டத்தட்ட நேரடி தமிழ் படத்தை போலவே இங்கே வெளியாக இருக்கிறது. இதற்கு முன்னதாக வெளியான ஷாரூக்கானின் பதான் திரைப்படத்தில் அவருக்கு ஜோடியாக நடித்த தீபிகா படுகோன், இந்த படத்தில் ஒரு முக்கிய கதாபாத்திரத்தில் கெஸ்ட் ரோலில் நடித்துள்ளார். இவருக்கு தமிழிலும், தெலுங்கிலும் குரல் கொடுத்துள்ளார் பிரபல டப்பிங் கலைஞரும் சமீபகாலமாக நடிகையாக மாறியவருமான ரவீணா ரவி.
இது குறித்து தனது மகிழ்ச்சியை வெளிப்படுத்தியுள்ள ரவீணா, ‛‛என்னுடைய பேவரைட் நடிகையான தீபிகா படுகோனுக்கு தமிழிலும் தெலுங்கிலும் குரல் கொடுத்ததில் மகிழ்ச்சியும் உற்சாகமுமாக இருக்கிறேன்” என்று கூறியுள்ளார். மேலும், “அட்லீயுடன் இணைந்து பணியாற்றுவது எப்போதுமே மகிழ்ச்சியான ஒன்று” என்றும் அவர் கூறியுள்ளார். இதற்கு முன்பாக நயன்தாரா நடித்த பாஸ்கர் தி ராஸ்கல், லவ் ஆக்சன் ட்ராமா ஆகிய படங்களில் நயன்தாராவுக்காக ரவீணா ரவி குரல் கொடுத்திருந்தார் என்பது குறிப்பிடத்தக்கது.