Dinamalar

யஷ் குறித்த விமர்சனம்: மன்னிப்பு கேட்ட தெலுங்கு இயக்குனர்

சமீபத்தில் தெலுங்கு திரையுலகின் கவனிக்கத்தக்க சில இயக்குனர்களான வெங்கடேஷ் மகா, நந்தினி ரெட்டி, இந்திராகாந்தி மோகன கிருஷ்ணா, சிவா நிர்வானா மற்றும் விவேக் ஆத்ரேயா ஆகியோர் ஒன்று கூடி சினிமா குறித்து பொதுவான விவாதம் ஒன்றை நடத்தினார்கள். அதில் இயக்குனர் வெங்கடேஷ் மகா பேசும்போது கே ஜி எப் படத்தில் கதாநாயகனாக நடித்த யஷ்ஷின் ராக்கி பாய் கதாபாத்திரம் உருவாக்கம் குறித்து தனது விமர்சனங்களை கிண்டலடிக்கும் தொனியில் பகிர்ந்து கொண்டார். அங்கே இருந்த மற்ற இயக்குனர்களும் அவரது விமர்சனத்தை கேட்டு வாய்விட்டு சிரித்தனர். இந்த வீடியோ சமீபத்தில் சோசியல் மீடியாவில் வைரலாக பரவியது.

இதனைத் தொடர்ந்து யஷ் ரசிகர்கள் மட்டுமல்லாமல் பொதுவான கன்னட ரசிகர்களும் இயக்குனர் வெங்கடேஷ் மகாவிற்கு சோஷியல் மீடியா மூலமாக தங்களது கண்டனங்களை தெரிவித்து வருவதுடன் அவர் தனது விமர்சனத்திற்காக மன்னிப்பு கேட்க வேண்டும் என்றும் வலியுறுத்தி வருகின்றனர். இன்னும் பல ரசிகர்கள் அநாகரிகமான வார்த்தைகளால் அவரை வசைபாடி வருகின்றனர். இந்த நிலையில் தன்னுடைய விமர்சனம் இப்படி விவகாரமாக மாறும் என எதிர்பார்க்காத இயக்குனர் வெங்கடேஷ் மகா தான் பேசியது குறித்து வருத்தம் தெரிவித்து வீடியோ ஒன்றை வெளியிட்டுள்ளார்.

அந்த வீடியோவில், தான் கேஜிஎப் படத்தில் யஷ்ஷின் கதாபாத்திரம் குறித்து கூறிய கருத்துக்களில் இருந்து ஒருபோதும் பின்வாங்க போவதில்லை என்றும் அதேசமயம் நான் அந்த கருத்தை சொன்ன விதம் சரியில்லை என்பதால் அதற்காக மன்னிப்பு கேட்டுக் கொள்கிறேன் என்றும் கூறியுள்ளார். ஒரு இயக்குனராக, ஒரு படைப்பாளியாக. என்னுடைய கருத்தை கூறினே தவிர யாரையும், எந்த மொழி சினிமாவையும் புண்படுத்த வேண்டும் என்கிற உள்நோக்கத்துடன் பேசவில்லை என்றும் விளக்கம் அளித்துள்ளார் இயக்குனர் வெங்கடேஷ் மகா.

• செய்திகள்
• வந்த படங்கள்

• 
  ஆனந்த்.எல்.ராய் இயக்கத்தில் இணையும் முன்னனி நடிகைகள்
• 
  60 கோடி செலுத்த ஷில்பா ஷெட்டி, ராஜ் குந்த்ராவுக்கு நீதிமன்றம் உத்தரவு
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...

• 
  வைக்கப்பட்ட சீல் அகற்ற துணை முதல்வர் உத்தரவு, 'கன்னட பிக் பாஸ்' ...
• 
  திருமணம் செய்து கொள்ளாமல் இரட்டை குழந்தை பெற்றெடுத்த நடிகை பாவனா ரமண்ணா!
• 
  அடூர் கோபாலகிருஷ்ணன் படத்தில் நடிக்காததால் தான் மோகன்லால் சூப்பர் ...
• 
  துல்கர் சல்மான் கார் பறிமுதல் விவகாரம் ; சுங்கத்துறைக்கு நீதிமன்றம் ...
• 
  இந்திய ராணுவ தலைமை தளபதி ஜெனரலை சந்தித்த மோகன்லால்