பிளாஷ் பேக்: கட்டபொம்மனை கண்டு மிரண்ட தமிழ் சினிமா | காதலிக்க நேரமில்லை சந்திராவின் ரீ-என்ட்ரி! எந்த சீரியல் தெரியுமா? | கையில் கட்டுடன் கேன்ஸ் புறப்பட்ட ஐஸ்வர்யா ராய் | தாமு ஏன் வெங்கடேஷ் பட்டுடன் வரவில்லை?: புதிய தகவல் | கருப்பு பணத்தை மாற்றுகிறேனா? விமர்சனத்திற்கு பாலா பதில் | 'ஹுக்கும்' பாடலை மறப்பீர்கள் : 'தேவரா' தயாரிப்பாளர் | கங்கனா ரணாவத் சொத்து மதிப்பு எவ்வளவு? | ஏ.எல். விஜய், மாதவன் கூட்டணி பட குறித்து புதிய தகவல் இதோ! | காதலாகி, கசிந்துருகி… பிரிவாகி… - தமிழ் சினிமா பிரபலங்களின் பிரிவுகள் | யுவன் சங்கர் ராஜா தயாரிப்பில் ரியோ ராஜ்? |
சினிமா என்பது ஹீரோக்கள் ஆதிக்கம் செலுத்தும் ஒரு துறையாகவே காலம் காலமாக இருந்து வருகிறது. ஹீரோயின்களுக்கு முக்கியத்துவம் கொடுக்கும் படங்கள் எப்போதோ ஒரு முறைதான் வரும். ஆனால், கடந்த வருடக் கடைசி வெளியீடாக கடந்த வாரம் வெளிவந்த படங்களில் 'ராங்கி, டிரைவர் ஜமுனா, செம்பி, ஓ மை கோஸ்ட்' ஆகிய படங்கள் ஹீரோயின்களை முதன்மைப்படுத்திய படங்களாக வெளிவந்தன. அதற்கு முன் வாரம் நயன்தாரா நடித்த 'கனெக்ட்' படமும் அப்படிப்பட்ட ஒரு படம்தான்.
சென்னை, குரோம்பேட்டையில் உள்ள பிரபலமான வெற்றி, ராகேஷ் தியேட்டர் காம்ப்ளக்சில் 'கனெக்ட், ராங்கி, டிரைலவர் ஜமுனா, செம்பி' ஆகிய படங்கள் ஓடிக் கொண்டிருக்கின்றன. தியேட்டர் முன்பாக அந்த பேனர்கள் இடம் பெற்றுள்ளன. அதைப் படம் பிடித்து ஒரு ரசிகர், “குரோம்பேட்டை வெற்றி தியேட்டரைக் கடக்கும் போது, பெண்கள் முதன்மைக் கதாபாத்திரங்களில் நடிக்கும் படங்களின் பேனர் இருப்பதை நானும் எனது சகோதரியும் பார்த்தோம். தமிழ் சினிமாவு எவ்வளவு தூரம் கடந்து வந்துள்ளது. பத்து வருடங்களுக்கு முன்பாக இப்படியெல்லாம் நடக்கும் என்று கற்பனை செய்து கூடப் பார்க்க முடியாது. பொதுவாக வெற்றி தியேட்டரில் எப்போதும் ஆண்கள் அவர்களது வலிமையைக் காட்டும் பேனர்கள்தான் வரிசைகட்டி இருக்கும். எங்களது குழந்தைக் காலத்தின் பாதியை அந்தத் தியேட்டரில் கழித்த எங்களுக்கு அது எப்படிப்பட்ட மகிழ்ச்சி என்பதைச் சொல்ல முடியாது,” என்று ஒரு நீண்ட பதிவிட்டிருந்தார்.
அந்த ரசிகரின் டுவீட்டை ரிடுவீட் செய்த நடிகை சமந்தா, “பெண்களின் எழுச்சி” என அதைக் குறிப்பிட்டிருந்தார். குரோம்பேட்டையை அடுத்த பல்லாவரத்தைச் சேர்ந்த சமந்தா, நடிகையாவதற்கு முன்பாக அந்தத் தியேட்டரில் பல படங்களைப் பார்த்திருக்கலாம். அதனால்தான், அதை ரிடுவீட் செய்திருக்கிறார் போலிருக்கிறது.