அஜித்திற்கு இப்படி ஒரு வினோத பிரச்சனை இருந்ததா ? சுந்தர்.சி கூறிய ஆச்சர்ய தகவல் | அல்லு அர்ஜுன் மீது ஆந்திர போலீசார் வழக்கு | 'சர்பரோஸ்' 25ம் வருடத்தில் 2ம் பாகத்தை அறிவித்த அமீர்கான் | படத்தை ரிலீஸ் பண்ண விடாமல் டொவினோ தாமஸ் தடுக்கிறார் ; இயக்குனர் விரக்தி | குகைக்குள் விழுந்தவருக்கு பிஸ்கட்டால் மேக்கப் ; மஞ்சும்மேல் பாய்ஸ் இயக்குனர் புது தகவல் | ஜிவி பிரகாஷ் - சைந்தவி பிரிவு: குடும்ப பிரச்னை காரணமா? | கெட்ட வார்த்தையுடன் சந்தானம் பட புரோமோ வீடியோ | 2026 தேர்தல் - விஜய், விஷாலைத் தொடர்ந்து சூர்யா ? | சித்தப்பா பவன்கல்யாணை சந்தித்த ராம் சரண் | விக்ரமின் ‛வீர தீர சூரன்' படத்தின் புதிய போஸ்டர் வெளியானது! |
சந்தேகமே இல்லாமல் கடந்த இரண்டு வருடங்களில் தென்னிந்திய அளவில் ரசிகர்கள் அதிகம் விரும்பும் நடிகையாக மாறிவிட்டார் ராஷ்மிகா மந்தனா. குறிப்பாக புஷ்பா படத்தில் அவர் ஆடிய சாமி சாமி பாடல் அவருக்கு அதிக அளவில் ரசிகர்களை தேடித்தந்து விட்டது. இந்த நிலையில் வரும் பொங்கல் பண்டிகைக்கு வெளியாக உள்ள வாரிசு படத்தில் முதன்முறையாக விஜய்யுடன் ஜோடி சேர்ந்து நடித்துள்ளார் ராஷ்மிகா. சில தினங்களுக்கு முன்பு நேரு உள்விளையாட்டு அரங்கில் நடைபெற்ற வாரிசு படத்தின் இசை வெளியீட்டு விழாவில் கலந்து கொண்டார் ராஷ்மிகா.
இந்த நிகழ்ச்சி முடிந்ததும் அவர் தனது காரில் கிளம்பி சென்றபோது சில ரசிகர்கள் அவரது காரை தங்களது இருசக்கர வாகனத்தில் பின்தொடர்ந்து சென்றனர். ஒரு சிக்னலில் நின்றபோது ராஷ்மிகாவின் கார் அருகில் அவரை பார்ப்பதற்காக அந்த ரசிகர்கள் சென்றனர். அப்போது அவர்களை பார்த்த ராஷ்மிகா, “ஹெல்மெட் போட்டு வண்டி ஓட்டுங்க.. இப்பவே போடுங்க” என்று அன்பாக கண்டித்து விட்டு அங்கிருந்து கிளம்பி சென்றார். தன்னுடைய ரசிகர்களின் பாதுகாப்பில் மிகுந்த அக்கறை எடுத்துக் கொள்ளும் ராஷ்மிகாவின் இந்த வீடியோ தற்போது சோஷியல் மீடியாவில் வைரலாக பரவி அவருக்கு பாராட்டுக்களையும் பெற்று தந்து வருகிறது.