முதல் பாடல் மே 22ல், படம் ரிலீஸ் ஜூலை 12ல்: ஒரே போஸ்டரில் இரண்டு அப்டேட் வெளியிட்ட 'இந்தியன்-2' படக்குழு | ‛படையப்பா' ரீ-ரிலீஸாகிறது : ரஜினியை சந்தித்து பேசிய பிஎல் தேனப்பன் | அஜித்தின் ‛குட் பேட் அக்லி' முதல் பார்வை வெளியீடு - எதிர்பாராததை எதிர்பாருங்கள் | விஜய், தனுஷை தொடர்ந்து சிவகார்த்திகேயனுக்கு ஜோடியாகும் ராஷ்மிகா | தீபாவளியை குறிவைக்கும் கங்குவா படக்குழு | ஸ்ரீ கணேஷ் இயக்கத்தில் சித்தார்த் | ராஜமவுலி - மகேஷ்பாபு பட தயாரிப்பு நிறுவனம் வெளியிட்ட திடீர் அறிவிப்பு | வளரும் நடிகர் பட்டியலில் இணைந்த கவின் | மிஸ்டர் அண்ட் மிஸஸ் படத்தில் ஜோடி சேரும் ராபர்ட் மாஸ்டர் - வனிதா விஜயகுமார் | ஆரம்பமே ஹீரோயின் : அசத்தும் தேஜூ அஸ்வினி |
உலக சினிமா ரசிகர்கள் மிக ஆவலுடன் எதிர்பார்த்துக் காத்துக் கொண்டிருக்கும் 'அவதார் - த வே ஆப் வாட்டர்' படத்தின் டிரைலர் நேற்று ஆங்கிலம், ஹிந்தி, தமிழ், தெலுங்கு, மலையாளம் ஆகிய மொழிகளில் வெளியானது. அடுத்த மாதம் டிசம்பர் 16ம் தேதி உலகம் முழுவதும் வெளியாக உள்ளது.
இந்தியாவில் ஐந்து மொழிகளில் வெளியாக உள்ள இந்தப் படத்தின் வசூல் இதுவரை வெளியான ஹாலிவுட் படங்கள் இந்தியாவில் பெற்ற வசூலை முறியடிக்கும் என்ற எதிர்பார்ப்பை ஏற்படுத்தி உள்ளது. இதுவரை வந்த ஹாலிவுட் படங்களில் 'அவஞ்சர்ஸ் என்ட் கேம்' ரூ.400 கோடிக்கு அதிகமான வசூலைப் பெற்று முதலிடத்தில் உள்ளது. 'அவஞ்சர்ஸ் இன்பினிட்டி வார்' ரூ.300 கோடியை நெருங்கியுள்ளது.
2009ம் ஆண்டு டிசம்பர் மாதம் இந்தியாவில் வெளியான 'அவதார்' படத்தின் முதல் பாகம் ஐந்தே வாரங்களில் ரூ.100 கோடி வசூலைக் கடந்து மொத்த ஓட்டத்தில் சுமார் ரூ.130 கோடி வரை வசூலைக் குவித்து, முதன் முதலில் அதிக வசூலைப் பெற்ற ஹாலிவுட் படம் என்ற பெருமையைப் பெற்றது. அந்த சாதனையை இதுவரையில் ஆறே ஆறு ஹாலிவுட் படங்கள்தான் முறியடித்துள்ளது.
13 ஆண்டுகளுக்குப் பிறகு 'அவதார்' படத்தின் இரண்டாம் பாகம் வெளியாகப் போகிறது. 13 ஆண்டுகளுக்கு முன்பு எப்படி அதிக வசூலைக் குவித்த முதல் ஹாலிவுட் படம் என்ற புதிய சாதனையை நிகழ்த்தியதோ அது போல 'அவதார் 2' படம் ரூ.500 கோடி வசூலைக் கடந்து புதிய சாதனையை நிகழ்த்தும் என இந்திய பாக்ஸ் ஆபீஸ் வட்டாரங்கள் நம்புகின்றன. 'அவதார் 2' வெளிவருவதால் பல இந்தியத் திரைப்படங்களின் வெளியீடுகள் தள்ளி வைக்கப்படும் சூழ்நிலையும் உருவாகியுள்ளது.