Dinamalar

ஏ.ஆர்.ரஹ்மான் இசையில் பாடியது பாக்கியம் ; மகிழ்ச்சியில் நீரஜ் மாதவ்

கவுதம் மேனன் இயக்கத்தில் சிம்பு நடிப்பில் உருவான வெந்து தணிந்தது காடு படம் தற்போது வெளியாகி உள்ளது. இந்த படத்தில் முக்கிய கதாபாத்திரம் ஒன்றில் மலையாள நடிகர் நீரஜ் மாதவ் நடித்துள்ளார். மலையாள திரையுலகில் ஒரு நடன இயக்குனராக முதலில் அறிமுகமான இவர் பின்னர் நகைச்சுவை நடிகராக மாறி, தற்போது சில படங்களில் கதையின் நாயகனாகவும் நடிக்கும் அளவிற்கு வளர்ந்துள்ளார். குறிப்பாக வினித் சீனிவாசன், நிவின்பாலி ஆகியோரின் கூட்டணியில் இவரும் ஒரு முக்கியமான நடிகராக இருக்கிறார். இந்த நிலையில் கவுதம் மேனன் மூலமாக தமிழுக்கு அறிமுகமாகியுள்ள நீரஜ் மாதவ், இந்தப்படத்தில் ஒரு ராப் பாடலையும் ஏ.ஆர்.ரஹ்மான் இசையில் பாடியுள்ளார்.

கடந்த சில நாட்களுக்கு முன் நடைபெற்ற இந்த படத்தின் இசை வெளியீட்டு விழா நிகழ்ச்சியில் மேடையிலேயே ஏ.ஆர்.ரஹ்மான் முன்னிலையில் அந்த பாடலை பாடி அசத்தியுள்ளார் நீரஜ் மாதவ். இது பற்றிய தகவல்கள் பெரிய அளவில் வெளியே தெரியாத நிலையில், தற்போது படம் வெளியாகி உள்ளதை தொடர்ந்து இந்தப்பாடல் உருவான போது கவுதம் மேனன் மற்றும் ஏ.ஆர் ரஹ்மான் ஆகியோருடன் தான் புகைப்படம் ஒன்றையும் வெளியிட்டுள்ளார் நீரஜ் மாதவ்.

“தமிழில் நடிகராக மட்டுமல்ல முதல் படத்திலேயே ஏ.ஆர் ரஹ்மான் இசையில் ஒரு பாடகராகவும் அறிமுகமானது மிகப்பெரிய மகிழ்ச்சி.. கனவு நனவான தருணம் இது” என்று கூறியுள்ள நீரஜ் மாதவ், இந்தப் பாடலை வெந்து தணிந்தது காடு படத்தின் மலையாள வெர்ஷனுக்காக பாடியுள்ளார் என்பது குறிப்பிடத்தக்கது..

• 
  சொந்த செலவில் பிளைட்டில் வந்து ரஞ்சித்துக்கு உதவிய விஜய்சேதுபதி
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்

• 
  திரையுலகில் 22 ஆண்டுகள்: நயன்தாரா நெகிழ்ச்சி
• 
  துல்கர் சல்மானுக்கு ஜோடியாக நடிக்க 3 கோடி சம்பளம் வாங்கிய பூஜா ஹெக்டே!
• 
  புகழ்ச்சியை தலையில் ஏற்றிக் கொள்ள மாட்டேன்! : கல்யாணி பிரியதர்ஷன்
• 
  விஜய்யின் தந்தை இயக்குனர் எஸ்.ஏ.சி.,யை டென்ஷன் ஆக்கிய கேள்வி!
• 
  சிம்புவின் ‛அரசன்' படத்தில் இடம் பெறும் மூன்று முன்னணி நடிகைகள்!