Dinamalar

கார்த்திகேயா-2 படக்குழுவை பாராட்டிய குஜராத் முதல்வர்

சமீபத்தில் தெலுங்கில் வெளியான கார்த்திகேயா-2 திரைப்படம் படக்குழுவினரே எதிர்பாராத வகையில் மிகவும் வரவேற்புடன் வெற்றிகரமாக ஓடிக்கொண்டிருக்கிறது. தற்போது வரை சுமார் 100 கோடிக்கும் மேல் வசூலித்து சாதனை படைத்துள்ள இந்த படம், விமர்சன ரீதியாகவும் வரவேற்பை பெற்றுள்ளது. கடந்த 2014-ல் வெளியான, கார்த்திகேயா படத்தின் இரண்டாம் பாகமாக, இந்த படம் வெளியாகி உள்ளது. இந்த படத்தில் நிகில் சித்தார்த் கதாநாயகனாக நடிக்க, அனுபமா பரமேஸ்வரன் கதாநாயகியாக நடித்துள்ளார். சந்து மொண்டேட்டி என்பவர் இந்த படத்தை இயக்கியுள்ளார்.

முதல் பாகத்தைப் போலவே இந்த இரண்டாம் பாகத்திலும் வரலாறு மற்றும் புராணம் ஆகியவற்றை மையப்படுத்தி பிக்சன் கதையாக இதை உருவாக்கி உள்ளார் இயக்குனர் சந்து மொண்டேட்டி. இந்தப்படம் ரசிகர்களை மட்டுமல்லாது திரையுலக பிரபலங்கள் உட்பட பலரையும் கவர்ந்துள்ளது. சமீபத்தில்கூட பவன் கல்யாண் இந்த படத்தை பார்த்துவிட்டு தனது பாராட்டுக்களை தெரிவித்துள்ளார்.

இந்த நிலையில் குஜராத் முதல்வர் பூபேந்திர பாய் படேல் இந்த படத்தை பார்த்துவிட்டு வியந்து போய் பாராட்டியுள்ளார். குறிப்பாக கடவுள் கிருஷ்ணாவை இந்தப்படத்தில் உருவகப்படுத்திய விதம் தனக்கு பிடித்திருந்ததாகவும் அவர் குறிப்பிட்டார். மேலும் படக்குழுவினரை நேரில் அழைத்து தனது வாழ்த்துக்களையும் தெரிவித்துள்ளார். இந்தப்படத்தின் பெரும்பாலான காட்சிகள் குஜராத்தில் தான் படமாக்கப்பட்டது என்பது குறிப்பிடத்தக்கது.

• 
  ஹிந்தியில் மீண்டும் தடம் பதிப்பாரா தனுஷ்?
• 
  சினிமா டூ அரசியல் : பாலிவுட்டின் ‛ஹீ மேன்' தர்மேந்திராவின் வாழ்க்கை ...
• 
  ஹிந்தி நடிகர் தர்மேந்திரா காலமானார்
• 
  4 வருடங்களுக்கு பிறகு வெளியானது 'பேமிலி மேன் 3'
• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...

• 
  தெலுங்கு படமாக இருந்தாலும் கன்னடத்துக்கு முக்கியத்துவம் வேண்டும் : ...
• 
  பிரித்விராஜ் படத்தை ஓவர்டேக் செய்யும் சிறிய நடிகரின் படம்
• 
  சிறையில் இருக்கும் நிலையில் நடிகர் தர்ஷினின் பட ரிலீஸ் தேதி அறிவிப்பு
• 
  வெகுளித்தனமாக பதில் சொல்லி குஞ்சாக்கோ போபனுக்கு சங்கடத்தை கொண்டு வந்த ...
• 
  விடாப்பிடியாக நின்று மோகன்லாலை சந்தித்த 80 வயது ரசிகை