முதல் பாடல் மே 22ல், படம் ரிலீஸ் ஜூலை 12ல்: ஒரே போஸ்டரில் இரண்டு அப்டேட் வெளியிட்ட 'இந்தியன்-2' படக்குழு | ‛படையப்பா' ரீ-ரிலீஸாகிறது : ரஜினியை சந்தித்து பேசிய பிஎல் தேனப்பன் | அஜித்தின் ‛குட் பேட் அக்லி' முதல் பார்வை வெளியீடு - எதிர்பாராததை எதிர்பாருங்கள் | விஜய், தனுஷை தொடர்ந்து சிவகார்த்திகேயனுக்கு ஜோடியாகும் ராஷ்மிகா | தீபாவளியை குறிவைக்கும் கங்குவா படக்குழு | ஸ்ரீ கணேஷ் இயக்கத்தில் சித்தார்த் | ராஜமவுலி - மகேஷ்பாபு பட தயாரிப்பு நிறுவனம் வெளியிட்ட திடீர் அறிவிப்பு | வளரும் நடிகர் பட்டியலில் இணைந்த கவின் | மிஸ்டர் அண்ட் மிஸஸ் படத்தில் ஜோடி சேரும் ராபர்ட் மாஸ்டர் - வனிதா விஜயகுமார் | ஆரம்பமே ஹீரோயின் : அசத்தும் தேஜூ அஸ்வினி |
அஜய் ஞானமுத்து இயக்கத்தில் விக்ரம், ஸ்ரீநிதி ஷெட்டி, மிருணாளினி ரவி, கிரிக்கெட் வீரர் இர்பான் பதான், கே.எஸ்.ரவிக்குமார் உள்ளிட்டோர் நடித்துள்ள படம் ‛கோப்ரா'. விக்ரம் பல விதமான வேடங்களில் நடித்துள்ளார். ஏ.ஆர்.ரஹ்மான் இசையமைத்துள்ளார். அடுத்தவாரம் ஆக., 31ல் படம் வெளியாக உள்ள நிலையில் இதன் டிரைலர் இன்று(ஆக.,25) மாலை 5.15 மணியளவில் வெளியிடப்பட்டது.
டிரைலரின் துவக்கத்திலேயே விக்ரமை தலைகீழாக கட்டி தொங்கவிட்டு போலீசார் அடிப்பது போன்ற காட்சி இடம் பெற்றுள்ளது. அதன்பின் ரஷ்யாவில் விரிவடையும் காட்சிகள், அதில் விக்ரம் பல விதமான வேடங்களில் தோன்றுவது மாதிரியான காட்சிகள் இடம் பெற்றுள்ளன. கணித வாத்தியரான விக்ரமின் வாழ்வில் ஏதோ ஒரு விபரீத சம்பவ நடக்க, அதற்கு பழிதீர்க்க தனது கணித அறிவால் வில்லன்களை பழிதீர்ப்பது போன்று படம் இருக்கும் என டிரைலரை பார்க்கும்போது புரிந்து கொள்ள முடிகிறது.
‛‛அவன் ஒரு கோப்ரா. உருமாறி உருமாறி போகவும் தெரியும், பதுங்கி அடிக்கவும் தெரியும்'' என வசனமும் இடம் பெற்றுள்ளது. அதாவது கோப்ரா நாகத்தின் தன்மை தான் விக்ரமின் கேரக்டர் என்பதை குறிக்கும் விதமாக இந்த பட தலைப்பும், விக்ரமின் கேரக்டரும் அமைந்து இருக்கும் என தெரிகிறது. டிரைலர் வெளியான அரை மணிநேரங்களில் 5 லட்சத்திற்கும் அதிகமான பார்வைகள் கிடைத்தன. தொடர்ந்து கோப்ரா டிரைலர் வைரலாகி டிரெண்ட் ஆனது.