Dinamalar

கமல் தயாரிப்பில் உதயநிதி

நடிகர் கமல் தயாரிக்கும் 54வது படத்தில் நாயகனாக உதயநிதி நடிக்க உள்ளார். இதற்கான அறிவிப்பு வெளியாகி உள்ளது.

நடிகரும், தயாரிப்பாளருமான உதயநிதி ஸ்டாலின், ரெட் ஜெயன்ட் மூவிஸ் என்ற தயாரிப்பு நிறுவனத்தை நடத்தி வருகிறார். இந்நிறுவனம் துவங்கி 15 ஆண்டுகள் நிறைவடைந்துள்ளது. இதை கொண்டாடும் விதமாக சென்னையில் அந்நிறுவனத்தின் சார்பில் விழா நடந்தது. இதில் உதயநிதி உடன் சிறப்பு விருந்தனர்களாக கமல்ஹாசன், ஆமீர்கான், கவுதம் மேனன், ஐசரி வேலன் உள்ளிட்ட பலர் கலந்து கொண்டனர். இந்நிலையில் கமல்ஹாசனின் ராஜ்கமல் பிலிம்ஸ் தயாரிக்கும் 54வது படத்தில் உதயநிதி நாயகனாக நடிக்க உள்ளார்.

இதுபற்றி உதயநிதி வெளியிட்ட பதிவு : ரெட் ஜெயன்ட் மூவிஸின் 15 வருட சினிமா பயணத்தை கொண்டாடும் விதமாக உடன் பங்காற்றியவர்களை நேற்று சென்னையில் நடைபெற்ற நிகழ்ச்சியில் கவுரவித்தோம். ராஜ்கமல் பிலிம்ஸ் இன்டர்நேஷனல் தயாரிக்கும் அடுத்த படத்தின் கதை நாயகனாகும் பெருமைமிகு வாய்ப்பை எனக்கு வழங்கி, அதற்கான அறிவிப்பை வெளியிட்ட கமல்ஹாசன் சாருக்கு நன்றி'' என தெரிவித்துள்ளார்.

• 
  மே 31ல் ரிலீஸாகும் ‛மல்ஹர்' திரைப்படம்
• 
  எலெக்ஷனால் தள்ளிப்போகும் 'எமெர்ஜென்சி'
• 
  கையில் கட்டுடன் கேன்ஸ் புறப்பட்ட ஐஸ்வர்யா ராய்
• 
  கங்கனா ரணாவத் சொத்து மதிப்பு எவ்வளவு?
• 
  சரோஜினி நாயுடுவாக நடிக்கும் மலிஷ்கா

• 
  தீபாவளியை குறிவைக்கும் கங்குவா படக்குழு
• 
  ஸ்ரீ கணேஷ் இயக்கத்தில் சித்தார்த்
• 
  வளரும் நடிகர் பட்டியலில் இணைந்த கவின்
• 
  மிஸ்டர் அண்ட் மிஸஸ் படத்தில் ஜோடி சேரும் ராபர்ட் மாஸ்டர் - வனிதா ...
• 
  மோடி பயோபிக் படத்தில் நடிப்பது உண்மையா? - சத்யராஜ் தந்த விளக்கம்