அதர்வாவுக்கு ஜோடியாக நடிக்கும் சோஷியல் மீடியா பிரபலம் | ராதிகாவுக்கு காலில் என்னாச்சு : நேரில் நலம் விசாரித்த சிவகுமார் | அல்லு அர்ஜுன் - சிரஞ்சீவி குடும்பத்தினர் மோதல் ? | நில சர்ச்சை விவகாரம் : ஜூனியர் என்.டி.ஆர் விளக்கம் | மே 31ல் ரிலீஸாகும் ‛மல்ஹர்' திரைப்படம் | என் கதாபாத்திரங்களை அவர் ஸ்டைலில் அசத்தியிருக்கிறார் : பஹத் பாசிலுக்கு மம்முட்டி பாராட்டு | இயக்குனர்களுக்கு இணையான சம்பளம் ; டர்போ கதாசிரியர் வேண்டுகோள் | 'வீர தீர சூரன்' முதல் கட்டப் படப்பிடிப்பு நிறைவு | காதலித்த நடிகை விபத்தில் இறக்க : தற்கொலை செய்து கொண்ட நடிகர் | 'செப்' ஆனார் ஏஆர் ரஹ்மான் மகள் ரஹீமா |
கொரோனா தாக்கம் காரணமாக கடந்த இரண்டு வருடங்களில் திரையரங்குகள் அதிக நாட்கள் மூடப்பட்டிருந்ததால் பல படங்கள் ஓடிடி தளத்தில் வெளியாகின. சிறிய பட்ஜெட் படங்களாக வெளியாகி வந்த சமயத்தில் நடிகர் சூர்யாவின் சூரரைப்போற்று திரைப்படம் தியேட்டர் அதிபர்கள், விநியோகஸ்தர்களின் ஆகியோரின் எதிர்ப்புக்கு இடையே ஓடிடி தளத்தில் வெளியானது. இருந்தாலும் ரசிகர்களிடையே மிகப்பெரிய வரவேற்பை பெற்றது. இதை தொடர்ந்து சூர்யா தயாரித்து முக்கிய வேடத்தில் நடித்த ஜெய்பீம் திரைப்படமும் இதேபோன்று ஓடிடி தளத்தில் தான் வெளியானது. இந்த படமும் வரவேற்பை பெற்றது.
அதேசமயம் இந்த இரண்டு படங்களையும் தியேட்டர்களில் பார்க்க முடியவில்லை என ரசிகர்களுக்கு பெரிய அளவில் ஒரு மனக்குறையும் இருந்து வருகிறது என்பதை மறுக்க முடியாது. இந்த நிலையில் வரும் ஜூலை 23ம் தேதி சூர்யாவின் பிறந்தநாளை முன்னிட்டு இந்த இரண்டு படங்களும் சில தியேட்டர்களில் திரையிடப்பட இருக்கிறது. சுதா கொங்கரா இயக்கத்தில் வெளியான சூரரைப்போற்று திரைப்படம் மற்றும் ஞானவேல் இயக்கத்தில் வெளியான ஜெய்பீம் திரைப்படம் இரண்டுமே உண்மை சம்பவங்களின் அடிப்படையில் உருவாகி வெற்றி பெற்றவை என்பது குறிப்பிடத்தக்கது.