Dinamalar

தமிழில் 'வாரியர்' வருமா ? வராதா ?

லிங்குசாமி இயக்கத்தில் தெலுங்கு நடிகர் ராம் பொத்தினேனி தமிழில் அறிமுகமாகும் படம் 'வாரியர்'. தேவிஸ்ரீபிரசாத் இசையமைக்கும் இப்படத்தின் மூலம் கிர்த்தி ஷெட்டி தமிழுக்கு வருகிறார். ஜுலை 14ம் தேதி தமிழ் மற்றும் தெலுங்கில் இப்படம் வெளியாகும் என அறிவிக்கப்பட்டுள்ளது. தெலுங்கில் வெளிவந்தாலும், தமிழில் இப்படம் வெளியாகுமா என்ற சந்தேகம் எழுந்துள்ளது. இப்படத்தை இயக்கியுள்ள லிங்குசாமி, தமிழில் இதற்கு முன்பு தயாரித்துள்ள சில படங்களுக்காக வாங்கிய கோடிக்கணக்கான ரூபாய் கடன்களை இன்னும் அடைக்காமல் இருக்கிறார். அது தொடர்பாக கடந்த சில ஆண்டுகளாகவே பஞ்சாயத்து நடந்து வருகிறது.

கமல்ஹாசன் நடித்த 'உத்தம வில்லன்' படம் அவருக்கு பெரிய நஷ்டத்தை ஏற்படுத்தியது. அவர் தயாரித்த, விஜய் சேதுபதி நடித்த 'இடம் பொருள் ஏவல்' எப்போதோ படம் முடிந்தும் இன்னும் வெளிவராமல் இருக்கிறது. அவர் தயாரித்து வந்த நான்கைந்து படங்கள் பாதியில் நிறுத்தப்பட்டது. இந்நிலையில் 'வாரியர்' படத்தை புது நிறுவனம் ஒன்றைத் துவங்கி அதன் மூலம் தமிழில் வெளியிட முடிவு செய்துள்ளாராம் லிங்குசாமி. எனவே, அவருக்கு கடன் கொடுத்து வசூல் செய்யாமல் இருப்பவர்கள் பஞ்சாயத்து கூட்டியுள்ளார்களாம். இன்று அந்த மெகா பஞ்சாயத்து நடக்க இருக்கிறதாம். பேச்சு வார்த்தைக்குப் பிறகே 'வாரியர்' தமிழில் வருமா, வராதா என்பது தெரிய வரும் என கோலிவுட்டில் தெரிவிக்கிறார்கள்.

• செய்திகள்
• வந்த படங்கள்
• வரவிருக்கும் படங்கள்

• 
  ‛சூ ப்ரம் சோ' கன்னட படத்தை ஹிந்தியில் ரீமேக் செய்ய விரும்பும் அஜய் ...
• 
  300 கோடி வசூல் கடந்தும் நஷ்டத்தை சந்திக்கும் 'வார் 2'
• 
  ஷாருக்கான் மகன் டைரக்ஷனில் சிறப்பு தோற்றத்தில் சல்மான்கான், ரன்வீர் சிங்
• 
  டிரோல்களுக்கு ஜான்வி கபூர் கொடுத்த விளக்கம்
• 
  அழகுக்கு அனன்யா பாண்டே தரும் ‛டிப்ஸ்'

• 
  ‛காஞ்சனா 4' படத்திற்கு பிறகு தமிழ் சினிமாவில் என்னை தேடுவார்கள் : நோரா ...
• 
  ‛கஜினி' சிக்ஸ்பேக்கிற்கு அஜித் தான் காரணம் : ஏ.ஆர்.முருகதாஸ் தகவல்
• 
  சன்னி லியோன் நடித்த படத்தின் மூன்றாம் பாகத்தில் தமன்னா
• 
  ஜனநாயகன் இசை விழாவில் கலந்து கொள்ள ரஜினி, கமலுக்கு அழைப்பா?
• 
  '18 மைல்ஸ் தாரணா' : ‛பேச்சுலர்' இயக்குனரின் அடுத்த பட அப்டேட்