அதர்வாவுக்கு ஜோடியாக நடிக்கும் சோஷியல் மீடியா பிரபலம் | ராதிகாவுக்கு காலில் என்னாச்சு : நேரில் நலம் விசாரித்த சிவகுமார் | அல்லு அர்ஜுன் - சிரஞ்சீவி குடும்பத்தினர் மோதல் ? | நில சர்ச்சை விவகாரம் : ஜூனியர் என்.டி.ஆர் விளக்கம் | மே 31ல் ரிலீஸாகும் ‛மல்ஹர்' திரைப்படம் | என் கதாபாத்திரங்களை அவர் ஸ்டைலில் அசத்தியிருக்கிறார் : பஹத் பாசிலுக்கு மம்முட்டி பாராட்டு | இயக்குனர்களுக்கு இணையான சம்பளம் ; டர்போ கதாசிரியர் வேண்டுகோள் | 'வீர தீர சூரன்' முதல் கட்டப் படப்பிடிப்பு நிறைவு | காதலித்த நடிகை விபத்தில் இறக்க : தற்கொலை செய்து கொண்ட நடிகர் | 'செப்' ஆனார் ஏஆர் ரஹ்மான் மகள் ரஹீமா |
கமலின் விஸ்வரூபம் படத்திற்கு எடிட்டராக பணியாற்றியவர் மகேஷ் நாராயணன். மலையாள சினிமாவில் இயக்குனராக மாறிய இவர் பஹத் பாசிலை வைத்து டேக் ஆப், சி யூ சூன், மாலிக் என தொடர்ச்சியாக படங்களை இயக்கினார். தற்போது பஹத் பாசில் நடிக்கும் படத்தையே இயக்குகிறார். படத்தின் பெயர் ஷெர்லக்
பிரபல மலையாள எழுத்தாளரும் இயக்குனருமான எம்.டி.வாசுதேவன் நாயர் எழுதிய பத்து சிறுகதைகளை மையப்படுத்தி பத்து படங்களின் தொகுப்பாக ஆந்தாலாஜி படம் ஒன்று உருவாகிறது. அந்தப்படத்தில் இந்த ஷெர்லக்கும் ஒரு படமாக உருவாகிறது. அவரது ஷெர்லக் என்கிற சிறுகதையை தழுவி இந்தப்படம் எடுக்கப்படுவதால் படத்திற்கும் அதே பெயரையே டைட்டிலாக வைத்துள்ளார்கள்.
இந்தப்படத்தில் பஹத் பாசிலின் அக்காவாக முக்கிய வேடத்தில் நடிக்கிறார் நதியா. 38 வருடங்களுக்கு முன் இயக்குனர் பாசிலின் படத்தில் கதாநாயகியாக அறிமுகமான நதியா இப்போது அவரது மகன் படத்திலும் இணைந்து நடிக்கிறார் என்பது ஆச்சர்யமான ஒன்று. ஜனவரி மாதம் கனடாவில் இதன் படப்பிடிப்பு துவங்க இருக்கிறது.