ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் | வாக்காளர் பட்டியலில் மமிதா பைஜூ பெயர் நீக்கம் | காதலரின் புகைப்படங்களை நீக்கிய ஸ்ருதிஹாசன் : முடிவுக்கு வந்ததா காதல்? | ஜூலை மாதத்தில் வெளியாகும் ராயன் | சிவகார்த்திகேயன் படத்திற்காக 14 ஆண்டுகளுக்கு பிறகு தமிழுக்கு திரும்பும் மலையாள நடிகர் |
மலையாள சினிமா உலகில் தற்போது அதிகம் எதிர்பார்க்கப்படும் படம் காயம்குளம் கொச்சுண்ணி. இது ஆங்கிலேயர்கள் ஆட்சிக் காலத்தில் அவர்களுக்கு எதிராக போராடியதுடன் பணக்காரர்களிடம் கொள்ளையடித்து ஏழைகளுக்கு கொடுத்த மலையாளத்து ராபின்ஹூட்டின் வரலாற்று கதை. இதில் காயம்குளம் கொச்சுண்ணியாக நிவின் பாலி நடிக்கிறார். அவருடன் பிரியா ஆனந்த், பிரியங்கா திம்மேஷ், பாபு ஆண்டனி, சன்னி வெய்ன் உள்பட பலர் நடிக்கிறார்கள். பினோத் பரதன் ஒளிப்பதிவு செய்கிறார், கோபி சுந்தர் இசை அமைக்கிறார். ஸ்ரீ கோகுலம் மூவீஸ் சார்பில் கோகுலம் கோபாலன் தயாரிக்கிறார். ரோஷன் ஆண்ட்ரீவ்ஸ் இயக்குகிறார்.
இந்தப் படம் தமிழிலும் மொழிமாற்றம் செய்யப்பட்டு, மலையாளத்தில் வெளியாகும் அன்றே தமிழிலும் வெளியிடப்பட இருக்கிறது. கொச்சுண்ணியின் கதை கன்னியாகுமரி பகுதியிலும் நடப்பதால் தமிழில் வெளியிடப்படுவதாக கூறப்படுகிறது. இந்தப் படத்தின் பாடல்கள், வசனங்களை மதன் கார்க்கி எழுதுகிறார். படத்துக்கு எம்.ஜி.ஆர் நடித்த புகழ்பெற்ற படமான மலைக்கள்ளன் என்ற டைட்டிலை வைக்க முயற்சி நடக்கிறது. முறைப்படி அனுமதி பெற ஏற்பாடு செய்திருக்கிறார்கள். கிடைக்காவிட்டால் வேறு தலைப்பு வைக்கப்படும் என்று தெரிகிறது. மலைக்கள்ளன் படமும் இதே போன்ற ராபின்ஹூட் கதை என்பது குறிப்பிடத்தக்கது.